×

Atenção

JUser: :_load: Não foi possível carregar usuário com ID: 430

Bazaar Baratu iha Lautem Foos La Sufisiente Featured

By Ligia Noronha Dezembru 15, 2017 1327
Foos Foos

LAUTEM: Foos ne’ebé Governu fa'an iha eventu bazaar baratu iha Munisípiu Lautem la sufisiente. Volume kompradór sa’e makaas, nune’e rezerva foos kilograma 25 la to’o ba populasaun sira hotu.

Iha bazaar baratu ne’e Governu fa’an foos saka kilograma 25 ho presu $9. Nune’e populasaun sira hadau-malu, tanba ne’e la to’o ba kompradór sira.

Justino dos Santos, komunidade Lospalos-Lautem, sente kontente ho programa ne’e, tanba bele sosa tuir sira nia kapasidade. Nune’e bele prepara ba loron boot ne'ebé besik daudaun ona.

“Maibé foos ne’e ami mai dehan hotu ona, entaun bazaar baratu halo ami sente triste uitoan tanba labele aproveita,”dehan nia, iha Munisípiu Lautem, horisehik.

Iha fatin hanesan, Ersília dos Santos Pereira hatete, bazaar baratu ne’e nia benefísiu di'ak tebes ba povu kbiit laek sira, maibé problema mak ema ne’ebé iha osan mai sosa barak liu fali.

“Importante liu mak foos. Ha'u mai atu sosa foos dehan hotu ona”, nia kestiona.

Nia hatutan, tuir loloos foos tula mai iha ne’e labele iha nia limitasaun, tanba iha foho ema presiza tebes.

Hataan ba kestaun ne’e, Diretór Transporte Lojístika CLN, Cristóvão da Costa Martins hatete, bazaar baratu tuir despaxu ministériu nian ba rejiaun ida hodi hala'o duni iha Munisípiu Lautem tuir tabela ne'ebé iha.

Kona-ba stock foos ne’e iha nia kontinuasaun sei iha, importante liu mak oinsá atu responde ba nesesidade bazaar baratu ne’e.

Rate this item
(0 votes)

Independente Digital TV