Sexta, 20 Outubru 2017 | Login
Don Duarte halo sorumutu ho Prezidente Repúblika Francisco Guterres Lú Olo, iha loron kuarta ohin (22/6),  iha Palásiu Prezidensia Nicolau Lobato, Bairro-Pite, Dili. Don Duarte halo sorumutu ho Prezidente Repúblika Francisco Guterres Lú Olo, iha loron kuarta ohin (22/6), iha Palásiu Prezidensia Nicolau Lobato, Bairro-Pite, Dili.

Don Duarte Pio: TL Ezemplu ba Demokrasia iha Nasaun CPLP Featured

DILI: Dúke Bragança husi Portugal, Don Duarte Pio luva ba demokrasia Timor-Leste katak sai ezemplu ba nasaun CPLP sira.

Don Duarte informa iha sorumutu ho Prezidente Repúblika Francisco Guterres Lú Olo, iha loron kuarta ohin (22/6),  iha Palásiu Prezidensia Nicolau Lobato, Bairro-Pite, Dili.

Iha surumotu ne’e, Dúke Bragança husu Xefe Estadu nia opiniaun no konsellu kona-ba serbisu no inflúensia husi atividade sira ne’ebé Fundasaun Don Manuel II hala’o iha Timor-Leste, iha rejiaun Asia no iha nasaun CPLP.

Liu husi Komunikadu ne’ebé diario ne’e simu, Don Duarte Pio haktuir nia kontente tebes hasoru malu ho Prezidente Repúblika no hatete Timor-Leste hanesan ezemplu ba demokrasia, liberdade, onestidade no kooperasaun ba nasaun membru CPLP sira.  

Iha enkontru entre Prezidente Repúblika ho Dúke Bragança, ko’alia mós kona-ba asuntu ekonomika no koperasaun sira ne’ebé Timor-leste no Portugal estabelese no sei dezenvolve iha tempu sira tuir mai.

Xefe Estadu espera kooperasaun entre nasaun rua bele kontinua metin no la’o nafatin iha futuru.

Fundasaun Don Manuel II harii iha tinan 1968 husi faluk Don Manuel II, Liurai-feto Dona Augusta Victória, ho misaun fó apoiu ba obra sira karitativa.  

Tinan hirak tuir mai, fundasaun ne’e dezenvolve liutan inisiativa oioin iha area sosiál, kultura, siénsia no habelar nia asaun sira la’os de’it iha Portugal mas iha mós nasaun sira CPLP ne’ebé Timor-Leste mós halo parte.

Read 411 times
Rate this item
(0 votes)
  • MidAd1
  • Heineken Klaran
AdBottom1