Segunda, 18 Juñu 2018 | Login
Xanana halo kampanye iha eleisaun jeral 2017 Xanana halo kampanye iha eleisaun jeral 2017

Xanana Fiar AMP Sei Hetan Vitória iha EA Featured

DILI: Prezidente Partidu CNRT Xanana Gusmão dehan fiar aan Aliansa Mudansa ba Progresu (AMP)  sei hetan Vitória iha eleisaun antesipada ne’ebé realiza iha loron 12 fulan-Maiu tinan ne’e.

Maibé, Xanana dehan, atu hetan Vitoria iha EA nia husu ba Kuadru Polítika Partidu Tolu CNRT, PLP ho KHUNTO  iha AMP atu esforsu aan no servisu makaas iha baze mak bele hetan Vitória.

Durante fulan sia, Prezidente CNRT Xanana Gusmão iha rai li'ur hodi fó  konfiansa boot ba Prezidente PLP Taur Matan Ruak no Sekjen CNRT  Francisco Kalbuady ho Konselleiru KHUNTO Naimori  mak lider Prosesu Polítika iha rai laran

Nia dehan, nu’udar Partidu Politiku husu ba Populasaun, maibé povu mak deside hakarak fó fiar ka lae depende povu.

 “Ita hamutuk ona ho KHUNTO, PLP no CNRT ita hotu tenke hamutuk servisu makaas atu hetan vitória,” Dehan Xanana Iha Sede CNRT Bairru  Gruillus- Dili, Domingu (11/3).

Lider Másimu AMP ne’e husu ba kuadru polítiku CNRT, PLP no KHUNTO atu aprende sala hirak ne’ebé halo durante no hodi servisu makaas hodi hasoru eleisaun Antesipada.

Iha períodu ne’e, nia husu  AMP tenke servisu makaas hodi tane aas interese povu nian. Bainhira partidu tolu ne’e la’o hamutuk la’ós atu asalta podér, maibé prosesu tuir dalan Demokrasia.

Maibé, Xanana rekoñese durante CNRT ukun tinan 10 laiha rezultadu di’ak, nune’e iha eleisaun 2017 votus partidu nian menus. Bainhira la esforsa aan servisu too baze sei la hetan vitória iha Prosesu polítika tuir mai.

 

Read 2714 times
Rate this item
(0 votes)
AdBottom1