Konselleiru KHUNTO Hasoru PM Alkatiri Featured

By Tomé Amado Setembru 20, 2017 1580
Konselleiru Partidu Kmanek Haburas Unidade Nasionál Timoroan (KHUNTO), José dos Santos ‘Naimori’ Konselleiru Partidu Kmanek Haburas Unidade Nasionál Timoroan (KHUNTO), José dos Santos ‘Naimori’

DILI: Konselleiru Partidu Kmanek Haburas Unidade Nasionál Timoroan (KHUNTO), José dos Santos ‘Naimori’ halo reuniaun ho Primeiru Ministru, Mari Alkatiri, hodi kongratula no hatudu prontidaun atu servisu hamutuk.

Hafoin enkontru, Naimori hateten, KHUNTO mai atu fo parabéns ba xefe governu foun no fó apoiu morál atu bele lidera governu ho di’ak iha tinan lima nia laran.

Kona-ba Comité Central FRETILIN (CCF) ne’ebé prepara hela dokumentu balun ba KHUNTO, Konselleiru ne’e dehan, ninia parte la hatene kona-ba ida ne’e, maibé atu hamutuk fali hodi forma Governu ne’e tenke deside liu husi reuniaun lideransa nian.

“Preokupasaun KHUNTO nia nafatin tenke kria estabilidade no KHUNTO prontu koopera atu servisu hamutuk para nasaun ne’e bele la’o ba oin”, dehan Naimori, iha Palasiu Nobre, horisehik.

Antes ne’e FRETLIN, PD no KHUNTO metin iha akordu ida hodi forma VII Governu ho sistema koligasaun, insidénsia parlamentár no inkluzaun, maibé ikus mai KHUNTO hasees-aan tanba mosu problema interna partidu nian.

Horisehik, Tersa (19/9), Konselleiru KHUNTO, Naimori, fila-fali hasoru Primeiru Ministru Mari Alkatiri iha Palasiu Nobre, iha minutu balun nia laran hodi ho kongratulasaun.

Rate this item
(0 votes)

Independente Digital TV