“Irigasaun ne'ebe iha Manatutu ne'e, governu dahuluk mak halo. VII governu la halo buat ida depois abandona tan irigasaun ne'e”, dehan Sekretariu Jeral partidu FRETILIN, Mari Alkatiri, iha kampaña komisiu, iha postu administrivu Laklubar, Municipiu Manatutu, Tersa(25/4).
Nia hateten, foin lalais na mai vizita Manautu hanesan Primeiru Ministru, haree kondisaun irigassun ne'e rai henek mak nakonu. Tan ne'e, haruka kedas tekniku sira mai ho ekipamentu hodi dudu rai henek no oras ne'e irigasaun diak no utuliza fali ona.
“Hau haruka ona tekniku sira ho ekipamentu mai dudu rai henek no oras ne'e be halai diak ona ba natat sira iha Manatutu laran”, tenik nia.
Alkatiri akresenta tan, oinsa povu atu moris diak no planu atu hasai povu husi kiak no mukit, irrigasaun Manatutu de'it la hetan ona atensaun. Tan ne'e, FRETILIN sei halo jestaun diak para atu hadia liután Manatutu.
“Ha'u promete FRETILIN forma ona oitavu governu dezenvolvimentu sei lao diak liutan iha Manatutu", promete Sekrer FRETILIN.
Presiza matan moris neon nain atu labele vota sala. Hili FRETILIN mak dezenvolvimentu sei lao lais, maibe diak no kualidade liu. Povu sei hakmatek hodi hate ninia rendementu ida dia liu tan.
