Sexta, 18 Outubru 2019 | Login
Bispo Deoseze Dili Bispo Deoseze Dili

Vatikanu Deside Dioseze Díli Sai Archidioseze Featured

DILI: Vatikanu deside ona Dioseze Díli sai hanesan Archidioseze.

Alénde nee, Vatikanu mos hili Bispu Dioseze Díli, Dom Virgílio do Carmo da Silva, SDB sai hanesan Arcebispu metropolitanu.

Vatikanu fo sai novidade nee iha misa agradesimentu tinan 30 komemorasaun Vizita São João Paulo II,  iha Katedral Díli (11/09).

Núncio Apostóliku iha Timor Leste Arche-bispo Mgr. Joseph Marino hateten, ohin ofisialmente Dioseze Díli sai archidioseze no Dom Virgílio da Silva, SDB mak sai nuudar arcebispo.

"Vatikanu Foti Diocese Díli Nuudar Archidiocese metropolitanu no nomeia Bispo Diocese Díli Dom Virgílio do Carmo da Silva Nudar Arcebispo ba dala uluk", Joseph Marino lee karta ofisial husi Santa Sé.

Iha fatin hanesan Bispo Dioseze Díli Dom Virgílio do Carmo da Silva, SDB neebe eleito Nuudar arcebispo konsidera novidade nee Nuudar surpreza ida.

Dom Virgílio sente todan no lahatene knaar nee atu halo saída, maibe bibi atan nee prontu atu halao knaar.

Tanba nee nia husu sarani sira nia orasaun atu bele haforsa nia iha knaar ida nee.

Read 1010 times
Rate this item
(1 Vote)