Domingu, 29 Novembru 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-11-28&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Inan fo han labarik malnutrisaun iha nasaun Bolivia. Foto UNICEF Inan fo han labarik malnutrisaun iha nasaun Bolivia. Foto UNICEF

UNICEF: Dezafiu Boot ba TL mak Malnutrisaun Featured

DILI: Organizasaun internasional ne’ebé tau-matan ba asuntu labarik, UNICEF, konsidera malnutrisaun sei sai nu’udar dezafiu boot ida ba Timor-Leste ne’ebé to’o ohin loron seidauk konsege rezolve, maske governu halo ona esforsu balun.

Reprezentante UNICEF Valerie Taton hato’o kestaun ne’e hafoin hasoru-malu ho Primeiru Ministru Taur Matan Ruak hodi hato’o ninia despedida ba Xefe Governu.

Iha oportunidade ne’e, Valerie mós hato’o ninia observasaun durante tinan tolu serbisu ho governu Timor-Leste hodi tau-matan ba asuntu labarik.

Tuir nia, Timor-Leste konsege ona atinze progresu barak, maibé sei nafatin hasoru dezafiu boot ida, liu-liu kona-ba malnutrisaun.

“Importante liu ita investe iha labarik ida bainhira labarik moris mai no hahú kedan labarik ne’e sei iha inan nia isin ne’e sei kontinua nafatin ho nutrisaun ne’ebé di’ak,” dehan nia iha palasiu Governu, Segunda (09/11).

Durante ne’e, nia hatutan, UNICEF fó kontribuisaun boot ba Ministeriu Saúde hodi hala’o peskiza ba manutrisaun iha TL.

Programa ida ne’ebé hetan apoiu husi UNICEF mak promosaun inan nia susuben.

“Hein katak introdusaun susubeen inan nian hodi fó labarik sira nutrisaun di’ak hodi bele asesu edukasaun, hodi dezenvolve labarik sedu liu hodi prepara ba aban-bainrua,” katak nia.

Entertantu, Primeiru Ministru Taur Matan Ruak agradese ba UNICEF nia apoiu no suporta ba dezenvolvimentu ne’ebé hala’o iha TL, espesialmente durante periodu estadu emerjensia ba Covid-19.

Molok ne’e, Ministra Saude Odete Maria Belo hatete, númeru malnutrisaun iha TL sei as, tan ne’e governu nafatin koalia no hetan apoiu fundu husi parseria Uniaun Europeia  ba hodi hadia nutrisaun iha rai laran.

“Malnutrisaun Timor-Leste ass hela, dadaun sei iha hela 46% ida ne’e numeru ne’ebé as,” dehan nia.

MS, nia hatete prepara hela planu estratejiku hodi hein rezultadu survey tinan 2020 nian karik bele fó rezultaadu diak, tanba dadus ne’ebé dadaun ne’e uza bazeia ba survey tinan 2016 nian.

Read 184 times
Rate this item
(0 votes)