Segunda, 14 Outubru 2019 | Login
Tribunal Rekursu Tribunal Rekursu

Tribunal Rekursu Anula Kazu Eis MF Emilia Pires Featured

DILI: Tribunál Rekursu (TR) liu husi Juis Koletiva deside anula kazu eis Ministra Finansa Emilia Pires hodi husu ba tribunál primeira instansia atu hadi’a prosesu, molok foti desizaun defivitivu.

Iha Tribunál Primeira instasia nia deside aplika pena prizaun tinan 7 ba arguida Eis Ministra Finasas Emilia Pires tanba komete kazu krime Partisipasaun Ekonomi no negosiu.

Prezidente Tribunál Rekursu (TR), Deolindo Dos Santos, dehan kuandu Tribunál Rekursu anula tiha desizaun signifika presiza duni Tribunál Primeira Instansia atu haree  fali  no hadi’a prosesu balun, molok foti desizaun difinitivu.

 “Ha’u la komenta ha’u nia opiniaun antisipadamente kona ba kazu ne’e tanba juis foti ona desizaun,” dehan nia iha kna’ar Kaikoli-Dili horisehik.

Prezidente TR ne’e dehan, mezmu Arguida Eis Ministra Emilia Pires laiha iha Timor Leste  mós julgamentu la’o nafatin tanba advogadu sira iha atu reprezenta Emilia Pires.

Kona ba sentesa, nia dehan dadaun ne’e labele koa’lia lai  ezekusaun sentesa tanba seidauk iha desizaun difinitivu ba kazu ne’e.

Agora dadauk ne’e koalia kona ba ezekusaun tamba ema hotu hotu nia preokupasaun ne’e mak ezekusaun.

“Agora nia (Emilia Pires) la hela iha ne’e ne’ebé atu ezekuta sentesa ne’e buat seluk ida tanba iha desizaun definitivu mak bele ko’alia ezekuta sentesa,” dehan nia.

Tuir fonte konfirmadu katak, TR liuhusi Juis koletivu Jacinta Correia, Duarte Tilman no Natercia Gusmao foti desizaun hodi anula kazu kazu arguida Emilia Pires iha loron 27 Junu tuku 5:00 loraik.

“Notifikasaun agora la’o hela depois notifika hotu. Tribunál Rekursu sei fó prazu loron 5 nia laran atu lori fila prosesu ba iha Tribunál Primeira Instansia  atu ezekuta,”dehan Fonte ne’e.

Read 885 times
Rate this item
(0 votes)