Tersa, 09 Marsu 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-03-07&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Komandante PNSIK Munisípiu Lautém, Inspector Polísia Hermenegildo Dos Santos. Komandante PNSIK Munisípiu Lautém, Inspector Polísia Hermenegildo Dos Santos.

PNSIK Munisípiu Lautem Rejista Kazu Violasaun 32 Hasoru Feto no Labarik Featured

LAUTEM: Polísia Nasionál Servisu Investigasaun Kriminal (PNSIK) Munisípiu Lautém rejista kazu violasaun hamutuk 32 kontra feto no labarik durante tinan 2020 iha Munisípiu Lautém.

Kazu ne’ebé akontese ho tipu mak hanesan violensia domestika ne'e krime públiku, ofensas simples no agravadu liliu violensia sexual sira.

Komandante PNSIK Munisípiu Lautém, Inspector Polísia Hermenegildo Dos Santos informa, tinan 2020 kazu espesifiku sira ba violasaun hasoru feto, labarik no ema vulneravel rezista kazu hamutuk 32.

Tuir relatoriu VPU-PNSIK Lautem katak kazu hamutuk 32 ne’e aprejenta ona ba Ministériu Públiku Baucau hamutuk 31 no kazu ida sei iha prosesu.

"Husi totál kaju hirak ne'e kompostu husi kazu violasaun sexual ida, koesaun sexual 3, abuzu sexual ba menor 2, maus tratus ba konjuje 15, mais tratua ba menor 1, subtrasaun ba menor 1 no infantesidu 1,"nia esplika ba jornalista Independente Online iha nia knaar fatin, Lautem kuarta, (20/01)

Komandante investigasaun ne'e afirma, Kazu violasaun hasoru feto no minoridade sira tuir relatoriu VPU katak kazu hirak ne'e prosesu hotu ba iha Ministériu Públiku tanba kazu ne'e krime públiku.

Alende ne'e, vitima ba violasaun hirak ne'e agora dadaun iha hela uma mahon Luzeiru Munisípiu Lautem

“Durante ami akompaña kazu inisial husi ita nia vitima sira dala barak ami tenke defende sira maibé felismente tanba agora iha ne'e ita iha ona uma mahon ne'ebé bainhira ita nia komunidade sira ne'ebé sai vitima ba violasaun sira ami akompaña de'it iha kazu inisiu no depois de ida ne'e ami rekere kedas ba iha uma mahon Luzeiru,”nia hateten.

Entretantu kazu kriminal sira ne'ebé sesaun kriminal rasik iha Munisípiu Lautém iha tinan 2020 hamutuk 238 kazu.

Husi totál kazu ne’e rejistadu iha Ministériu Públiku hamutuk 208 no kazu ne'ebé rejolve tuir familia ka kulturál hamutuk 19 no kazu ne'ebé sei prosesu hamutuk 11.

"Kazu ne'ebé akontese barak liu iha Munisípiu Lautém maka kazu ofensa integridade fizika hamutuk 78 kazus, rejolve familiar 6 kazus no kazu ameansa okupa segundu lugar ho totál 26 kaus rejilve familiar 4,

Husi totál kazu 238 ne'e 19 kazu rejolve tuir familia, seluk kontinua prosesu iha Ministériu Públiku.

Read 810 times
Rate this item
(0 votes)