Kuarta, 21 Agostu 2019 | Login
Presidente ASSA ho nia Vise Adriano Presidente ASSA ho nia Vise Adriano

PD Husu Funsionariu Timor Gap-ANPM Aprezenta Rikusoin Featured

DILI: Bankada Partidu Demokratiku iha Parlamentu Nasionál husu ba funsionariu Timor Gap no Autoridade Nasionál Petroleu no Minerais atu aprezenta sira-nia rikusoin iha tribunal.

Deputadu Bankada PD Adriano do Nascimento hatete, ho alterasaun ba lei hirak ne’ebé iha, Timor Gap no ANPM mak sei jere osan estadu, liu-liu osan mina.

“Presiza deklara sira-nia rikusoin. Deklara agora osan hira mak iha sira-nia bankaria hodi atu iha transparasia tanba sira mak lorloron halo bisnis, halo ligasaun ho kompaña ne’ebé riku iha mundu sira,” deklara nia iha PN, Tersa (16/07).

Adriano dehan, iha nasaun ne’ebé de’it, negosiu mina potensial liu no ema hotu hobur iha negosiu ne’e.

“Ami preokupasaun komu lei atividade petroliferu ne’ebé mak Prezidente (Repúblika) promulga agora atu muda tan, mak propoin ba sira ne’ebé ke zere osan direta, osan mina nian hirak ne’e hotu entaun ita presiza sira iha Timor Gap hotu-hotu ba deklara sira-nia rikusoin hahú tama depois sai ne’e hira, tanba deputadu, ministru, PR, tinan lima de’it maibé sira balun tinan 10 resin ona”.

Nia dehan, laos atu suspeita ema ruma maibé kestaun transparansia.

Iha Fatin Hanesan Xefe Negosiador Prinsipal Tratadu Fronteira Maritama Xanana Gusmão hatete, ema hotu tenke kontrola Timor Gap.

“Laos dehan loke ba sira halo de’it ba mak ita buka tuir, lae, buat hotu-hotu tenke ho krontolu, ida ne’ebé mak sira halo no ida ne’ebé mak labele halo.”

“Horseik ha’u-nia esplikasaun kona-ba Timor Gap. lei atividade petrolifera ne’e hatur liu-liu ba regra sira ne’ebé tenke tuir tanba ita labele husik katak Timor Gap nu’udar empreza estadu nian  ba iha rikusoin boot ne’ebé ita iha sai arbiru hanesan rai seluk,” dehan Xanana.

Read 967 times
Rate this item
(0 votes)
MidAd1