×

Atenção

JUser: :_load: Não foi possível carregar usuário com ID: 428

Lu-Olo Husu Tane Aas Valór Rezisténsia Featured

By Marsu 07, 2018 795
Lu-Olo Lu-Olo

DILI: Presidente Repúblika (PR) Francisco Guterres “Lú-Olo” husu ba Timór oan  tomak inklui veteranu sira ne’ebé sei moris atu kontinua hametin no tane aas  valór rezisténsia.

Bainhira ema hotu hametin valor rezisténsia, sei hamosu asaun ida atu hakat hamutuk hodi halo dezenvolvimentu ba rai doben Timór Leste.

Tanba ne’e nia husu tenke hametin di’ak liu tan estadu direitu demokrátiku ne’ebé  Timór oan tomak fo ona iha tinan 24 liu ba.

Lu Olo hateten lia hirak ne’e, iha diskursu abertura konferénsia nasionál loron veteranu iha CDD, Sesta (02/03).

Alende ne’e xefe estadu mós haksolok, bainhira haree inisiativa ba programa ne’e  tanba estadu iha ona aten boot hodi valoriza  veteranu sira iha loron espesiál ne’e.

Nia konsidera  loron nee dedikadu ba veteranu no asua'in sira ne'ebé mate ona ne’ebé iha valor  ba timoroan hotu nia moris.

“ita nia eroi no martir sira hakerek  ona istória TL ninian iha pájina ida ho osan mean ho sira nia ran ho sira nia isin. Ne’e valor boot ida ba ita sira ne’ebé sei moris sei rai  nafatin iha ita nia neon iha ita nia fuan”, dehan Lu OLo.

Buat ne'ebé eroi da partia sira halo ona atu valoriza no hatutan ba jerasaun foun sira hodi  hatene katak atu sai povu ida no atu harii nasaun ida tenke halo duni sakrifisiu bo’ot.

Nia dehan eroi sira hakerek ona istória  ne’e lolo’os ho aten brani ho matenek liu-liu sira nia servisu ho isin no klamar tomak, sira nunka hein atu ema ida bele selu sira nia isin ho rai ida ne’e.

Ida ne’e mak hanaran valór rezisténsia ne'ebé jerasaun foun ohin loron nian presija kuda iha fuan no tane aas.

Nia mós husu atu ema hotu labele haluha istória ne'ebé pinta ona iha pájina  osan mean, ho sira nia ran, isin no klamar.

“Ita hotu hatene dala ruma ita sente katak iha mundu modernu ne’ebé dala barak liu teknolojia oi-oin bele lori ita haluha lalais ita nia istória ne’e rasik. Bele lori ema haluha lalais sakrifísiu boot ne’ebé ita nia eroi no saudozu sira husik hela mai ita nia liman. Bele haluha buat valores sira ne’e hotu maibé ha’u husu nafatin ba ita hotu partikularmente ba veteranu sira feto ho mane ne’ebé ita sei moris atu tane aas nafatin ita nia valores sira ne’e hodi hakat ba oin,’’ akresenta Xefe Estadu.

Nia dehan, durante okupasaun, Étika rezisténsia nian maka veteranu no Martir sira serve nasaun ho laran luak.

Nune’e kombatente no povu sira servisu hamutuk ho vontade ida de’it hakarak ida de’it maka atu liberta pátria, atu liberta povu, buat sira ne’e hotu liu husi esperiénsia rasik.

Rate this item
(0 votes)
Last modified on Kinta, 08 Marsu 2018 14:37

Independente Digital TV