Sábadu, 07 Dezembru 2019 | Login
Lere Lere

Lere Lamenta Deputadu AMP “Blokeia” Viajen PR Lú Olo Featured

METINARO:  Xefe Estadu Maiór FALINTIL-Forsa Defeza Timor-Leste (F-FDTL), Majór Jenerál Lere Anan Timur  lamenta tebes Deputadu Bankada Aliasa Mudansa ba Progresu (AMP) iha Parlamentu Nasionál  blokeia viajen Prezidente Repúblika Francisco Guterres Lú-Olo ba  partisipa reuniaun Assembleia Jerál ba dala-74 iha Nova Iorke.

“Ita hatudu imajen ida ne’ebé  aat no ita mak izola ita nia aan tanba ita rasik kastigu ita nia prezidente  la sai ba rai li’ur, iha ita nia rai laran de’it tanba ladún favoravel ba situasaun polítika, ekonómika, dezenvolvimentu no kulturál,” informa Lere ba jornalista sira, iha Sentru Formasaun Treinu-Metinaru hafoin ensera ezersísiu harii hamutuk, Kinta (19/09).

Lere dehan Prezidente Repúblika hanesan ema númeru dahuluk iha nasaun Timor-Leste, ne’ebé PN kansela nia vizjen atu reprezentasaun Timór iha ONU ne’e hatudu imajen ladi’ak iha mundu.

“Ami sente sokadu boot no ami triste, kuandu situasaun polítika hanesan ne’e, la podia akontese. Tanba ohin loron ita ukun an tanba fakar ran no barak mate ita podia evita buat sira ne’e,  vingansa polítika ne’e lalika,” dehan nia.

Lere dehan Timor Leste sai ona membru komunidade lian Portugés (CPLP) no sai membru g7+ hahú haklaken dame no rekonsiliasaun ho nasaun seluk ne’ebé hasoru krime polítika militár atu hetan dame, maibé iha lideransa sir aiha Timór la koopera malu hodi hakotu polítika iha rai laran.

Tanba ne’e, Lere Anan Timur husu ba lideransa Nasionál ka polítiku  Kay Rala Xanana Gusmão, Taur Matan Ruak, Francisco Guterres Lú-Olo, Mari Alkatiri, Ramos Horta atu hametin unidade iha polítika hodi fó progresu ba Timor-Leste.

Read 1417 times
Rate this item
(0 votes)