×

Atenção

JUser: :_load: Não foi possível carregar usuário com ID: 425

Horta: Tranzisaun Total ba Jerasaun Foun iha 2022

By Jacinto Xavier Janeiru 27, 2017 1414
Eis Prezidente Republika Timor-Leste, Jose Ramos Horta hanoin oinsa iha futuru jerasaun foun atu ukun  troka lider antigu. Eis Prezidente Republika Timor-Leste, Jose Ramos Horta hanoin oinsa iha futuru jerasaun foun atu ukun troka lider antigu. Foto UN

DILI: Eis Prezidente Republika José Ramos Horta hatete, jerasaun tuan sira iha ona hanoin atu halo tranzisaun ba jerasaun foun, maibé prosesu sei la’o neneik.

Premiadu Nobel da Pas ne’e dehan, tranzisaun total husi jerasaun tuan ba jerasaun foun foin bele hala’o iha tinan 2022.

“Ha’u hanoin iha 2022 ne’e to’o ona tempu par ita atu halo ona tranjisaun lideransa tuan ba jerasaun foun,” dehan nia.

Maibé hanesan jerasaun tuan, nia dehan, sira iha obrigasaun moral hodi kontinua halo akompañamentu ba prosesu dezenvolvimentu tomak iha nasaun ne’e.

”Ami sempre halo akompañametu tanba ami lakohi ami nia kolen ne’e saugati de’it, tanba ne’e ami sempre akompaña nafatin prosesu tomak,” katak Horta.

Daudauk ne’e, tuir nia, tranjisaun balun hahú ona, ne’ebé mós hanesan rejultadu husi enkontru Maubisse I no II ne’ebé jerasaun tuan sira halo iha tinan hirak kotuk ba.

Tuir Premiadu Nobel da Pas ne’e, ohin loron jerasaun foun sira ne’ebé hola parte iha governu ne’e hanesan teste ida ba kapasidade jerasaun foun sira atu lidera nasaun iha futuru.

“Ita haree ohin loron kargu Primeiru Ministru ne’ebé Rui Maria Araujo kaer ne’e hanesan teste ida ba sira jerasaun foun,” dehan Horta iha nia rezidensia Metiaut-Dili, Kinta (26/01).

Nia hatutan, jerasaun tuan iha ona hanoin atu halo tranjisaun lideransa ba jerasaun foun sira atu bele kaer ona kargu importante sira iha nasaun ne’e maibé, ohin loron sei haree didiak, hafoin halo tranjisaun total.

“Tanba ita haree ema hotu nia dedikasaun no esforsu ne’ebé uluk luta ba nasaun ne’e lakohi atu nasaun ne’e monu, tanba ne’e ami jerasaun tuan to’o ohin oin loron seidauk bele husik governu ne’e totalmente ba jerasaun foun sira.”

“Ami jerasaun tuan sira tuur hamutuk ona atu loke instituisaun lideransa nian iha 2018 atu bele fó oportunidade ba jerasaun foun sira atu kapasita nia an iha instituisaun ne’e,” nia hatutan.

Rate this item
(0 votes)

Independente Digital TV