Sábadu, 26 Setembru 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-09-25&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Presidente Republiak Fransisco Guterres Lu Olo ho Primeiru Ministru Taur Matan Ruak. Foto Gabinete PR. Presidente Republiak Fransisco Guterres Lu Olo ho Primeiru Ministru Taur Matan Ruak. Foto Gabinete PR.

Ho Fuan Boot PM Taur Husu Demisaun Featured

DILI: Ema la obriga, ema la husu, maibé husi nia konsensia rasik ho fuan boot Primeiru Ministru Taur Matan Ruak husu demisaun ba Presidente Repúblika Fransisco Guterres Lú Olo, tanba nia hatene koligasaun foun iha ona.

"Ne'e enkontru ida ne'ebé Prezidente Repúblika Francisco Guterres Lú Olo konvoka atu ko'alia tanba ha'u hatama karta ida manisfesta ha'u nia intensaun ne'e ba demisaun,"informa PM Taur Matan Ruak ba jornalista sira hafoin remata enkontru semanál ho Xefe Estadu iha Palasiu Prezidensiál Bairu-Pite Tersa (25/02).

Tanba ne'e PM Taur hateten, ko'alia ona ho Xefe Estadu ba nia pedidu demisaun maibé últimu liafuan ba Prezidente Repúblika tuir konstituisaun só pedidu demisaun ne'e validu bainhira PR dekreta ona.

"Ha'u hanoin ita boot sira rona koligasaun foun iha ona entaun ha'u hanoin to'o tempu se ha'u esplika ba populasaun maibé agora ha'u bele hateten ba imi ita boot sira ne'ebé pedidu demisaun ne'e só validu bainhira PR dekreta. Enkuantu seidauk dekreta ha'u kontinua Primeiru Ministru," tenik PM Taur.

Nia dehan, enkuantu seidauk iha desizaun husi Xefe Estadu maka, nia sei kontinua hanesan Primeiru Ministru atu garante atividades governativa.

Se karik PR dekreta maka la aseita pedidu demisaun ne’e, Primeiru Ministru Taur servisu nafatin. "siap ne'e komandante servisu nafatin" tanba ita mós labele husik nasaun kareta ida karik kondutor laiha ne'e imi hanoin took”.

Entretantu pedidu demisaun ne'e rasik Primeiru Ministru Taur Matan Ruak entrega horsehik Segunda (24/02) ba Xefe Estadu Francisco Guterres Lú Olo.

Bainhira durasaun PR atu dekreta, tuir PM Taur katak "durasaun atu dekreta ne’e PM Taur labele ko'alia fali PR ninian imi tau fali buat ne'ebé la'os ha'u nian,"haktuir nia.

Read 2553 times
Rate this item
(0 votes)