Sábadu, 23 Novembru 2019 | Login
Ilustrasaun Pistola Ilustrasaun Pistola

Ema Balun Uza Kilat Kasa Animál iha Alas Featured

DILI: Kilat balun hahú espalla iha Munisípiu Manufahi ne’ebé deskonfia utiliza husi autoridade seguransa ka defeza nian hodi kasa animál komunidade iha nian, iha Postu Administrativu Alas.

 

Vise-Prezidente Bankada CNRT, Patrocínio Fernandes hateten, komunidade Alas hato’o keixa katak karreta ida ho kilat boot tiru povu nia karau iha área ne’ebá.

Iha Alas tiru karau kanek halai hotu, inklui karau nia na'in mós atu kanek hotu”, dehan nia, iha Plenária Parlamentu Nasionál, horisehik.

Ne’e duni, deputadu ne’e husu ba Ministru Defeza no Seguransa atu halo kontrolu ba sirkulasaun kilat iha instituisaun ne’e hodi bele toma atensaun ba membru sira ne’ebé karik utiliza kilat tiru animál maus.

Iha Timor-Leste lei la permite atu ema sivíl lori kilat. Nune’e, kilat ne’e só iha instituisaun rua de’it maka iha direitu bele uza hanesan Polisia Nasionál Timor-Leste (PNTL) no FALINTIL-Forsa Defeza Timor-Leste (F-FDTL).

Ha'u observa beibeik katak iha Alas iha Manufahi, liuliu iha Fatuberliu ne’e dala barak oknum sira ne’e lori karreta ba kasa beibeik iha ne’ebá”, dehan nia.

Tuir Deputadu ne’e governu tenke atensaun sériu ba asuntu sira hanesan ne’e. Tanba instituisaun sira ne’e hanoin atu implementa atu asegura órgaun estadu, la’ós utiliza sasán Estadu nian tuir sira-nia hakarak.

Husi sira ninia hahalok ne’e bele prejudika mós ba sasán sira seluk hanesan karreta ne’ebé dala barak aat hodi halo manutensaun la’ós aat tanba halo servisu, maibé tanba uza ba kasa komunidade sira-nia animál.

Read 320 times
Rate this item
(0 votes)
MidAd1