Kuarta, 12 Agostu 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-08-11&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Sentru eletrisidade Hera Sentru eletrisidade Hera

Deputadu PN Husu Estende Kontratu Kompañia Operadór Eletrisidade Featured

DILI: Deputadu Parlamentu Nasionál husu ba governu halo halo estensaun ba kompañia operadór eletrisidade Puria Karya ne’ebé responsavel ba manutensaun jeradór eletrisidade sentrál elétrika Hera.

Deputadu Bankada FRETILIN, Manuel Castro hatete, jeradór iha sentru elétrika Hera tuir loloos ne’e jeradór I no II halo ona manautensaun iha fulan Jullu 2016, nune’e jeradór V sei halo manutensaun iha fulan Maiu 2017, maibé to’o agora seidauk halo tanba kompañia Warsila ne'ebé hatama materiál hetan problema ba kontratasaun ba manutensaun sentrál elétrika.

“Husu ba governu liu husi ministériu obras publika atu bele estende kontratu ho kompañia Puria Karya atu bele kontinua tau atensaun ba manutensaun sentrál elétrika Hera”, dehan nia, iha Uma Fukun PN, horisehik.

Deputadu ne’e hatutan, sentrál elétrika Hera durante ne’e kompañia Puria Karya mak sai operadór hodi halo manutensaun, maibé agora daudaun ne’e governu aprova fó projetu manutensaun elétrika halo single source ba kompañia Warsila atu halo fali manutensaun.

Prosesu kontratun entre governu ho kompañia Warsila atu halo manutensaun ba sentrál elétrika hodi troka kompañia Puria Karya to’o ohin loron tribunál kontas seidauk fó vistu.

Tanba ne’e, kuandu governu atu hand-over (entrega) iha tempu badak nia laran ba kompañia Warsila atu halo servisu mós sei konsidera hanesan ilegál tanba laiha vistu husi tribunál kontas.

Maibé, foin lalais ne’e governu liu husi ministériu obras publika bolu ona kompañia Warsila atu halo entrega, maibé konsultór ne'ebé hanesan tékniku operadór iha sentrál elétrika ne’e seidauk prontu atu simu iha tempu badak ne'ebé ho karakter urjénsia.

Antes ne’e, Deputadu Osório Florindo hatete, governu liu husi ministériu obras publika atu halo desizaun hodi entrega obra halo single source ba Warsila atu halo manutensaun tenke tetu didi'ak atu labele fó afetasaun ba ahi lakan-mate.

Tuir nia, governu atu halo desizaun hodi fó obra manutensaun elétrika ne’e ba kompañia sé de'it, maibé tenke haree ba kustu ne'ebé tenke baratu atu bele salva osan povu nian labele gastu arbiru.

Nia hatutan, agora besik ona atu tama ba prosesu kampaña eleitorál no atu tama ba eleisaun, tanba ne’e governu tenke antesipa atu ahi labele lakan-mate iha prosesu kampaña eleitorál no tempu eleisaun.  

Read 767 times
Rate this item
(0 votes)

About Author