Sexta, 15 Novembru 2019 | Login
ha Matebian Vera nia hela fatin sei sunu lilin ha Matebian Vera nia hela fatin sei sunu lilin

Antes Lakon, Vera Besik Mane Na’in Rua Featured

DILI: Vera Carvalho Martins ne’ebé lakon ho mistériu, família sira hatene antes ne’e nia besik mane na’in rua ho inisiál NCX (ne’ebé ema ne’ebé sai ikus ho Vera) no ida seluk maka J.

Tuir deklarasaun husi kuñada Vera, Jenoveva de Araújo katak, Vera nia-doben ida ho inisiál J ne’ebé sei família ho ninia kaben. Nune’e, iha ida seluk maka NCX.

Família sira hatene J nu’udar Vera nia-doben bainhira iha loron 30 fulan-Juñu 2018, sira na’in rua halimar iha uma Kampu Alor, maibé la kleur de'it ida naran NCX nia mosu mai Vera dehan nia kolega.

Entaun tuur ko'alia halimar la kleur NCX mós fila ba nia-uma. Ne’e duni, família sira dismete deklarasaun NCX nian iha Tribunál katak bainhira nia ba uma haree Vera ho Jaqeu iha kuartu laran.

“NCX mai iha ha'u iha hotu. Tanba ne’e, ha'u bolu Vera dehan “o nia kolega mai” no Vera sai mai ko'alia “o mai halo saida?”, dehan Jenoveva.

Maski nune’e, iha loron 2 fulan-Jullu 2018, Vera atu lakon ne’e nia-hamutuk fali ona ho NCX. Maibé, atu dehan fali Vera nia-doben ne’e mak Jenoveva mós ladún hatene.

Ne’e duni, NCX mai iha uma dehan atu ba Aileu hasoru Vera-nia Inan-aman, tanba dehan Vera ne’e nia doben hotu. Entretantu, José Martins Maumali, aman husi Vera dehan, simu informasaun husi Vera nia-maun sira iha Kampu Alor katak iha loron 2 Jullu 2018, Vera atu ba Aileu ho NCX tanba sira rua nu’udar namoradu.

“Sira iha Dili via telefone ba ha'u dehan “Vera ho nia doben NCX atu ba hasoru ama ho apa sira iha Aileu”.

Nune’e ha'u hataan ba sira, “entaun mai ba ami hein iha ne’e”, no too lokraik Vera ha'u telefone husu ba-mai iha família sira iha Dili sira mai duni ka lae tanba atu kalan ona sira seidauk too ne’e.

Sira na'in rua mai ho karreta sai ida? Sira dehan ohin sai husi uma ne’e sira rua sa'e saida ami mós la hatene”, nia konta tuir.

Nune’e, sira hein iha Aileu to’o kalan Vera ho nia-namoradu NCX la too iha ne'ebá.

Nia afirma, família hatene de'it Vera lakon ne’e tanba NCX mak mai bolu sai husi uma. Ne’e duni, família ezije de'it ba justisa hodi hatudu Vera agora iha ne’ebé.

Read 598 times
Rate this item
(0 votes)