×

Atenção

JUser: :_load: Não foi possível carregar usuário com ID: 425

JUser: :_load: Não foi possível carregar usuário com ID: 430

Agio Pereira Troka Rui Araújo ba Kargu PM Featured

By Tome Amado Juñu 22, 2017 3603
Ministru Estadu Prezidénsia Konsellu Ministru, Hermenegildo ‘Agio’ Pereira Ministru Estadu Prezidénsia Konsellu Ministru, Hermenegildo ‘Agio’ Pereira

DILI: Ministru Estadu Prezidénsia Konsellu Ministru, Hermenegildo ‘Agio’ Pereira asume kargu Primeiru Ministru interinu iha períodu kampaña eleitorál, ne'ebé hahú husi loron 20 Juñu 2017 to’o eleisaun lejizlativu 22 Jullu 2017.

Primeiru Ministru (PM), Rui Maria de Araújo husu ona lisensa hodi ba partisipa atividade kampaña eleitorál ba partidu FRETILIN ninian.

Tuir informasaun ne'ebé média sira asesu husi Gabinete Primeiru Ministru, Kuarta (21/6), horisehik, katak, Primeiru Ministru (PM), Rui Maria de Araújo, durante tempu kampaña eleitorál nian, iha semana ida nia laran hala’o servisu loron rua de’it.

Loron ne’ebé Xefe Governu ne’e sei efetivu mak Segunda no Tersa, maibé ba loron Kuarta to’o Sesta sei konsentra ba kampaña eleitorál.

Ne’e duni, iha loron ne’ebé Rui Araújo auzénsia, kargu xefia sei asume husi Ministru Estadu Prezidénsia Konsellu Ministru, Hermenegildo ‘Agio’ Pereira.

Tanba ne’e, iha períodu kampaña nia laran husi loron 19 Juñu to’o 22 Jullu 2017, Segunda no Tersa Primeiru Ministru mak Rui Maria de Araújo, maibé iha Kuarta to’o Sesta troka fali ba Agio Pereira.

Entretantu, membru governu sira ne’ebé husu ona lisensa ba partisipa kampaña eleitorál maka Ministru Estadu Koordenadór Asuntu Ekonómiku (MEAKE) no Ministru Agrikultura no Peska (MAP), Estanislau Aleixo da Silva, Ministru Estadu Koordenadór Asuntu Asuntu Administrasaun (MEKAAA) no Ministru Administrasaun Estatál, Dionísio Babo Soares, Ministru Turizmu no Kultura (MTK), Francisco Kalbuadi Lay, Vise-Ministru Komérsiu Indústria no Ambiente (V-MKIA), Filipus ‘Nino’ Pereira no Vise-Ministru Solidariedade Sosiál (V-MSS), Miguel Manetelu. 

Rate this item
(0 votes)

Independente Digital TV