Domingu, 23 Setembru 2018 | Login
Ilustrasaun kamionete xoke motor. FOTO: Fokus Medan Ilustrasaun kamionete xoke motor. FOTO: Fokus Medan

Polisia Prosesa Kondutor Kamioneta Sama Mate Feto Ida Featured

DILI:Polisia Nasionál Timor Leste (PNTL) prosesa hela kondutór kamioneta ne’ebé envolve iha asidente trafiku hodi rezulta feto ida mate.

Feto ne’ebé identifika ho naran Aliansa Vianco servisu nu’udar funsionariu públiku iha Ministériu Edukasaun lakon vida hafoin motor ho marka beat ho xapa matrikula 9105 tama ba kamioneta okos iha area Obrigado Barak Sesta (07/09).

Tuir kronolojia, iha Sesta loraik, Aliansa sai husi nia servisu fatin hodi fila ba nia uma iha area Bekora, to’o Obrigado Barak feto ne’e hakfodak ho kamioneta azul ho xapa matrikula 58918 TLS ne’ebé sai husi dirasaun STAE nian, feto ne’e lakon konsentrasaun no monu tama ba kamioneta okos.

Asidente mós labele hasees. Vitima mate-fatin tanba hetan pankada maka’as iha truk okos inklui nia ain parte loos tohar.

Ba kazu ne’e, Komandante Daruak Polisia Nasional Timor Leste (PNTL) Munisipiu Dili, Superintendente Asistente Euclidis Belo informa, daudaun ne’e prosesu ba kazu ne’e la’o hela.

Nia dehan, Polisia Servisu Investigasaun Kriminal (SIK) hala’o hela investigasaun ba kondutor hodi bele hetan informasaun loloos.

Euclidis hatutan, polisia presiza halibur informasaun atu bele promove kazu ne’e ba Ministériu Públiku.

“Familia vitima mós mai fó ona depoitmentu ba polisia par bele lalais kompleta auto notisia ne’ebé iha,” dehan Euclidis iha Komando PNTL Dili, Segunda (10/09).

Entretantu, familia halot ona mate-isin iha semiteriu Bekusi.

Read 308 times
Rate this item
(0 votes)