ME rejistu ema na'in 468 liu ona teste bolsa kandidata Featured

By Ivonia Varela April 10, 2024 6070
Diretora Nasionál Rekursu Humanu, Anita Tavares de Jesus. Foto:INDEPENDENTE. Diretora Nasionál Rekursu Humanu, Anita Tavares de Jesus. Foto:INDEPENDENTE.

DILI: Ministériu Edukasaun (ME) liu-husi Diresaun Nasionál Rekursu Humanu provizorimente rejistu kandidatura foin na’in-486 liu ona teste bolsa kandidata.

Diretora Nasionál Rekursu Humanu, Anita Tavares de Jesus hatete, prosesu teste bolsa kandidata hala'o durante 22 ne'ebé hahú ona iha loron 15 fulan-Marsu no sei remata iha loron 16 fulan-Abril 2024.
"Prosesu teste bolsa kandidatu ita hahu abertura iha 15 marsu no remata 16 Abril iha loron 22 iha nia prosesu, iha prosesu nee ami bolu referensia iha BK (Bolsa Kandidata) sia," dehan Diretora ba Jornalista INDEPENDENTE iha nia knar fatin, Segunda (08/04).
Diretora esplika, iha BK hirak ne'ebé remata ona teste mak mak pre-eskolar, ensinu Báziku primeriu no segundu siklu, terseiru siklu iha Materia Lian Tetun, Postugués, inglés no Mátemátika. No Siensia Naturais dadaun ne'e iha hela prosesu nia laran.
"Ida BK 7 ba iha siensia Naturais sei kontinua ohin ho referensia rua tan ne'ebé mak ita sei halo, ba 13.021 depois aumenta tan ho sira rekursu nia iha 131 ne'ebé ba iha rekursu ba kada referensia, no referensia sira nee sira tuir hotu ona hela deit referensia tolu mak ida siensia naturais nee ohin finaliza ita ba tan referensia rua seluk," dehan nia.
Diretora esplika, tuir despaisu Ministeriál ne'ebé fó sai katak prosesu ne’e bazeia ba dekretu lei rekrutamentu nian katak rezultadu teste ne’e valór tenki atinji 60.
Tanba ne'e tuir dadus provizorio ba iha pre-eskolar iha ema na'in 34 mak liu, ensinu baziku primeiru no segundu siklu 170, Ensinu Báziku Terseiru siklu ba iha lian tetun na'in 62, portugués 106, ingles 48, Matematika 45 no siensia naturais provisoriu 21.
Enkuantu, ME hamutuk ho Organizasaun Non Governametal BELUN rejistu ona kandidatura ba bolsa kandidata hamutuk 13.021.
Vagatura ba bolsa kandidatura husi Ministériu Edukasaun ne’e hakarak kadidatu na’in 2.400 mak sai manorin na’in hodi koloka ba kada eskola sira, maibe dadaun ne’e seiduak atinje metan ne’ebé sira presiza.

Rate this item
(7 votes)

Independente Digital TV

Trending

Error: No articles to display

Latest

Error: No articles to display

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31