Kooperasaun ida ne’e sei liu husi asina memorandu entendimentu ida, iha ne’ebé Ministra Edukasaun rasik maka sei asina.

Ministra Edukasaun Dulse de Jesus Soares hatete, diskusaun kona ba asina nota entendementu ho Governu Singapura, hahú kedas iha fulan-Marsu tinan ne’e.

Nia dehan, institutu nasionál ba edukasaun iha singapura nu’udar institute ida ne’ebé sai kategoria 10 iha mundo.

“Entaun atu servisu hamutuk ho Institutu Nasional Formasaun Dosente no Profisional Edukasaun atu reforsa formasaun ba ita nia professor sira, formadór no funsionariu husi Ministeriu Edukasaun no mós lider eskola sira,”dehan nia ba Jornalista sira iha Palasiu Governu, Dili, Tersa ne’e (04/11/25).

entretantu, Governante ne’e hatutan, liu husi akordu ne’e, ba oin INFORDEPE mós sei halo kooperasaun direita ho institutu refere, atu bele fasilita formasaun sira no mós hala’o vizita ba eskola sira iha teritoriu nasional.