Print this page

Novembru, PNTL Simu Karta Manifestasaun Rua Featured

By INDEPENDENTE Novembru 26, 2018 6083
Komandante Munisípiu Dili, Superintendente Pedro Belo Komandante Munisípiu Dili, Superintendente Pedro Belo

DILI: Fulan Novembru laran Komandu Polisia Nasionál Timor-Leste (PNTL) Munisípiu Dili, simu karta manifestasaun rua. Ida husi Movimentu Universitáriu Timor-Leste (MUTL) no seluk fali husi juventude ne'ebé trata dokumentu atu ba buka servisu iha Europeia.

Komandante Munisípiu Dili, Superintendente Pedro Belo hatete, MUTL nian organiza daudauk ona ne'ebé hala’o iha (19/11), ne’ebé sei nafatin halo manifestasaun iha kampus UNTL nian, ida seluk reprezentante juventude ne'ebé ba trata pasaporte iha Embaixada Portugál nian seidauk halo.

Juventude sira ne’ebé atu halo asaun hasoru Embaixada Portugál ne’e durante tinan barak ona trata sira nia pasaporte, maibé ate agora seidauk mai.

Tanba ne’e, sira halo karta ida mai para atu halo manifestasaun iha tempu badak, maibé bolu ona reprezentante hodi hatudu kona-ba regra atu halo manifestasaun nian hafoin bele halo.

“Dala ruma sira komprende ona lei mak sira lakohi mai ka sira sei iha okupasaun seluk mak lai mai, maibé ami nafatin hein sira kuandu sira la mai entaun tenke halo tuir lei. Demonstrasaun ne’e ho di'ak tanba ita hatene ita nia direitu no tenke kumpre mós devér”, tenik Pedro Belo, iha servisu fatin, Kaikoli-Dili, Sesta (23/11).

Reprezentante manifestante ne’e simu ona lei ba estuda, maibé ate agora seidauk fila ba hasoru fali PNTL hodi bele determina tempu bainhira maka atu realiza sira ninia asaun ne’e.

Rate this item
(0 votes)