Domingu, 22 Jullu 2018 | Login
Kareta lao kalan Kareta lao kalan Polisia Nasionál Timor Leste munisipiu Baukau sei bandu transporte públiku halo movimentu iha tempu kalan.

Natal-Tinan Foun, Polisia Bandu Karreta Halai iha Kalan Featured

DILI: Atu hamenus asidente trafiku iha loron Natal no Tinan Foun, Polisia Nasionál Timor Leste (PNTL) Munsipiu Bakau implementa maneira ne’ebé diferente uitoan.

PNTL Baukau planeia ona atu bandu transporte públiku halo movimentu iha tempu kalan.

“Preparasaun ba festa Natal no Tinan Foun ami Komando Munisipiu Baukau servisu hamutuk ho Prezidente Autóridade hasai ona diretiva konjunta ida hodi limita diretus balun hanesan movimentu transporte públiku hotu atu limiti sira labele halo movimentu iha tempu kalan,” deklara Komandante PNTL Munisipiu Baukau Superintendente Xefe José Soares ba jornalista sira iha Baukau, Kinta (07/12).

Maske nune’e, komandante ne’e la esplika klaru implementasaun ba regra foun ne’e hahú sa loron.

Komandante PNTL Baukau ne’e dehan de’it, ‘regra’ foun ne’e hasai atu minimiza asidente no ‘asaun krime’ iha tempu kalan, tanba dala-balun komunidade sira halo movimentu iha tempu kalan hamosu fali problema iha dalan.

Aleinde ne’e, kona-ba paixon, nia dehan, komando PNTL mós hasai diretiva ida hodi husu ba inan-aman no xefe suku sira atu servisu hamutuk ho autóridade hodi kontrola ema sunu paixon.

Tuir nia, solusaun di’ak atu evita paixon tarutu mak inan-aman labele hatoman fó osan ba oan hodi ba sosa paixon.

Nia dehan tan, komando PNTL Baukau mós halo passarevista ba loja sira hodi foti fugetes ne’ebé sira fa’an.

Entretantu, nia hatutan, daudauk ne’e PNTL Baukau kontinua hala’o pasarevista ba transporte públiku sira ne’ebé hala’o movimentu iha tempu kalan.

Nia husu ba komunidade sira ne’ebé sei hala’o viazen ba munisipiu atu haree didi’ak sira-nia kondisaun transporte molok halo viajen nune’e bele evita asidente iha dalan.

Kona-ba situasaun jeral iha Munisipiu Baukau, Komandante ne’e informa daudaun ne’e situasaun hakmatek tanba kooperasaun di’ak entre polisia ho veteranus, juventude, igreja, sosiadade sivil no autóridade sira.

Tuir observasaun diariu ne’e nota katak, iha sidade Baukau joven sira hakamatek no hahú halo ona prezepiu iha estrada ninin.

Read 565 times
Rate this item
(0 votes)