Segundo Komandante PNTL Munisipiu Dili, Superintendente Asistende Euclides Belo iforma, hafoin hetan keixa husi vitima sira, Komando PNTL Munisipiu hahú operasaun hodi buka tuir autór naok motor.

Tuir keixa, nia dehan, iha area Na’i Feto naok-ten hahú nia asaun iha tuku 10:00 kalan, no iha area Vera Kruz iha tuku 02:00 madrugada, bainhira motor-nain para motor iha uma.

“Ami alerta ona, espera katak sedu ou tarde ami sei kaer naok-ten ho sasan evidesia balun ne’ebé lakon,” dehan Euclides ba Jornalista sira iha Komandu PNTL Munisipiu Dili, Sesta (31/3).

Nia dehan, dadaun ne’e Komandu lansa ona informaun ba servisu informasun polisia hodi buka tuir.

Dalan ne’ebé polisia uza hodi buka tuir naok-ten sira mak liu husi operasaun ba kada bairru iha Kapital Dili.

“Bainhira kaer kona mak dokumentu la kompletu, sasan sira ne’e ahu-nain sira-nia serbisu,” katak nia.