Kinta, 17 Janeiru 2019 | Login
Jesuína Eleitu Sai PDHJ

Jesuína Eleitu Sai PDHJ Featured

DILI: Provedoria Direitos Humanos no Justica (PDHJ), Silvério Baptista Pinto, mandatu remata ona iha loron 30 Outubru. Tanba ne’e, Parlamentu Nasionál halo eleisaun nune’e, Jesuína Maria Ferreira Gomes, eleitu hodi okupa kargu importante ne’e to’o tinan haat.

Tuir Presidente Parlamentu Nasionál Arão Noe hatete, Provedoria Direitos Humanos no Justica nia mandatu remata ona tanba ne’e PN loke ona ko konkursu públiku nune’e ema na'in 12 mak selesionadu hodi kompete.

Iha eleisaun ne’e ho karakter sekretu, tanba ne’e kuandu votasaun iha primeira ronda kandidatura ida la atinje 5+1 ka votu la liu 33 tenke ba segundu ronda tuir rejimentu.

Rezultadu eleisaun primeira ronda kandidatu Espoza Primeiru Ministru, Isabel da Costa Ferreira ho votu tolu, Horácio de Almeida ho votu 20, Jesuína Maria Ferreira Gomes ho votu 31, José Luis Oliveira ho votu ida, Nivio Magalhães votu tolu no Filipe Rodrigues Pereira ho votu rua.

Alende ne’e kandidatura sira seluk hanesan Aniceto Guro Berteni, Florindo José Cristóvão, Henrique de Oliveira Ximenes, Jaime Xavier, José Pereira no Silvério Pinto Baptista, sira la hetan votu no mós iha votu mutin ida.

“Husi rezultadu ronda dahuluk ne’e kandidatura ida la atinji 33 votu ka 5+1 tanba ne’e ita tenke ba segunda ronda, Horácio de Almeida no Jesuína Maria Ferreira Gomes”, dehan Arão, iha Plenária PN, horisehik.

Husi kandidatura na'in rua ne’e tenke hakat fali ba eleisaun segunda ronda, nune’e Jesuína Maria Ferreira Gomes, hetan votu maioria 38 no Horácio de Almeida, hetan votu 23, husi totál votu 61.

Husi rezultadu eleisaun segunda ronda ne’e Jesuína Maria Ferreira Gomes eleitu sai PDHJ ho durasaun tinan haat.

Read 552 times
Rate this item
(0 votes)