Items filtered by date: Tersa, 09 Janeiru 2018

DILI: Hanesan desizaun ne’ebé fó sai husi Tribunál Distritál Dili (TDD), Tribunál Rekursu mós indefere ka la simu karta destituisaun ne’ebé Prezidente Parlamentu Nasionál aprezenta atu halo apresiasaun.

Tribunál Rekursu (TR) rejeita karta destituisaun ne’e no haruka fila-fali ba Parlamentu Nasionál, tanba lakohi mete problema polítika.

Tuir fonte husi TR ne’ebé lakohi temi naran hateten, tribunál haruka fila tanba tuir rejimentu interna Parlamentu Nasionál asuntu polítika bele solusiona iha ne’ebá la presiza atu lori ba tribunál.

“Parlamentu Nasionál iha Rejimentu, entaun Parlamentu Nasionál mak bele halo desizaun, tanba Tribunál Rekursu lakohi mete Polítika”, dehan nia.

Desizaun Tribuna Rekursu hodi indefere karta Prezidente PN ne’e hasai ona iha loron 5 Janeiru 2018.

Antes ne’e, iha Tribunál Distritál Dili (TDD) mós juis prosesu hasai ona despaxu hodi indefere mós karta destituisaun ne’e.

Juis Administradór TDD, Duarte Tilman hatete, tuir lei, ne’e kompeténsia Parlamentu nian hodi deside iha ne'ebá, la presiza to’o mai iha tribunál primeira instánsia.

Tribunál la’ós rezolve kona-ba polítika, tanba ne’e polítiku sira maka hatene. Tribunál rezolve kona0ba kestaun téknika jurídika.

Aniceto Seidauk ‘Rende’

Tribunál Distritál Dili (TDD) indefere ona providénsia kautelar rua ne’ebé Prezidente Parlamentu Nasionál (PN), Aniceto Longuinhos Guterres, aprezenta ona.

Maski nune’e, nia rasik seidauk ‘rende’. Sei kontinua halo rekursu tanba sente ofendidu ba akuzasaun husi opozisaun Aliansa Maioria Parlamentár (AMP) ba nia privasidade nu’udar ema daruak iha órgaun soberania no hanesan ema sidadaun.

“Ha'u Prezidente Parlamentu Nasionál rasik mak ba hatama prosesu providénsia kautelar ba iha tribunál”, dehan Aniceto, iha Uma Fukun PN, horisehik.

Prosesu providénsia kautelar ne’e hatama ona ba parte tribunál haree ona no sira konsidera ne’e hanesan polítika. Tanba ne’e, iha loron 3 Janeiru foin lalais ne’e Prezidente PN hatama fali ona rekursu ba Tribunál, maibé seidauk iha resposta finál husi tribunál.

Tanba ne’e, rekursu destituisaun ne'ebé AMP hatama ne’e seidauk bele halo ajendamentu hodi diskute tanba sei hein hela desizaun finál husi tribunál.

Nune’e, Aniceto mós sente hetan presaun husi opozisaun AMP, tanba obriga atu halo ajendamentu lalais ba sira nia rekursu hanesan destituisaun no mosaun sensura.

Tanba ne’e, Prezidente PN mós insiste nafatin bainhira sira halo nafatin fó presaun Aniceto sei kontinua reziste ba tribunál hodi haree nia legalidade.

Hataan ba kestaun ne’e, Prezidente Bankada PLP, Fidélis Magalhães rejeita katak to’o ohin loron AMP la halo presaun polítika ruma hasoru PPN rasik.

Bloku opozisaun AMP so ezije mak rekursu sira ne'ebé hatama ona ne’e atu ajenda lalais, maibé to’o ohin loron la iha sinál ruma ne'ebé mosu.

Tanba ne’e, Prezidente PN sente hetan presaun bele kontinua lori ba Tribunál, maibé rekursu ne'ebé nia rasik ba hatama ne’e mós Tribunál indefere ona, ne’e signifika rekursu sira ne'ebé hatama ne’e konstitusionál.

Published in Nasional

DILI: Normalmente servisu Parlamentu Nasionál iha semana ida plenária loron rua Segunda no Tersa. Maibé, iha Segunda (8/1), laiha atividade rotina plenária hanesan baibain.

Published in Politika
Tersa, 09 Janeiru 2018 17:14

Alkatiri–Taur Husu Malu Rezigna

DILI: Primeiru Ministru, Mari Alkatiri, husu ba bloku Aliansa Maioria Parlamentár (AMP) atu labele hanoin aat ba VII Governu Konstitusionál.

Published in Politika
Tersa, 09 Janeiru 2018 11:33

Opozisaun Sadik Lori AMP Ba Tribunál

DILI: Relasiona ho deklarasaun bloku koligasaun ne’ebé la rekoñese bloku Aliansa Maioria Parlamentár (AMP), ne’e duni ‘sadik’ no husu atu bele aprezenta ba tribunál hodi bele haree lejitimidade bloku ne’e nian tuir lei.

Published in Politika

DILI: Hafoin halo rejeisaun dahuluk ba programa VII Governu nian, Parlamentu Nasionál obriga governu atu aprezenta tan programa ba daruak, maibé to’o agora seidauk iha data serteza ba prosesu diskusaun tuir mai.

Published in Politika
Tersa, 09 Janeiru 2018 11:28

TDD Rejeita Karta Prezidente PN

DILI: Karta destituisaun ne'ebé bloku Aliansa Maioria Parlamentár (AMP) halo hasoru Prezidente Parlamentu Nasionál (PN). Nune’e karta ne’e hatutan ba Tribunál Distritál Dili (TDD), maibé indefere ka la hetan aprovasaun.

Published in Nasional

Independente Digital TV

Tuir ami iha Twitter

Kalendariu Notisia

« January 2018 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31