DILI: Data klaru ba ratifikasaun tratadu Fronteira Maritima to’o ohin seidauk klaru. Governu Timor Leste rasik fó sai katak prosesu ba ratifikasaun ne’e sei iha faze diskusaun.

Ministru Reforma Lejislativa Asuntu Parlamentar (MRLAP), Fidelis Maglhaes hatete, governu daudauk ne’e sei iha hela faze preparasaun hodi analiza no halo hela diskusaun kle’an ba ratifikasaun tratadu FM molok despaisa ba Parlamentu Nasionál (PN).

DILI: Ministru Defeza no Interiór Interinu, Filomeno de Jesus Paixao, hakarak troka membru Polisia Migrasaun sira ne’ebé servisu tempu naruk ona iha Fronteira Batugadé tanba konsidera kleur liu ona.

“Ha’u hakarak troka hotu polisia imigrasaun ne’ebé tinan sanulu hela iha ne'ebá. Demais ona! Labele hela hanesan uma lisan iha ne’ebá”, dehan nia, iha Palásiu Governu, horisehik.

DILI: Timor-Leste hanoin hela atu haruka fila timoroan ne’ebé autoridade Indonézia detein tanba lori droga. Maski nune’e, nasaun rua ne’e seidauk iha akordu estradisaun hodi bele lori fila sidadaun Timor na’in rua ne’e.

Nune’e, meius seluk ne’ebé Governu Timor-Leste sei bele halo maka haruka advogadu própriu ida ba Indonézia hodi fó defeza ba timoroan na’in rua ne’e.