×

Atenção

JUser: :_load: Não foi possível carregar usuário com ID: 422

TL-Portugal Kontinua Hametin Relasaun Bilateral

By Fevereiru 02, 2017 2562
Bandeira Timor-Leste ho Portugal Bandeira Timor-Leste ho Portugal

DILI: Estadu Timor-Leste iha komitmentu hodi hametin nafatin relasaun servisu bilateral ho nasaun irmão Portugal.

Iha Segunda (30/01), Parlamentu Nasionál simu Sekretaria Estadu Negosiu Estranjeiru Portugal ho nia delegsaun sira hodi ko’alia kona-ba kontinuasaun serbisu ba futuru no progresu serbisu ne’ebé halo ona.

Prezidente PN, Aderito Hugo hatete, alende programa bilateral ne’ebé dezde inisiu halo ona, Governu Portugal mós kontinua mai haree no observa setór sira ne’ebé presiza atu apoiu hodi dezenvolve TL.

Nia hatutan, setor ne’ebé potensial ba sira atu dezenvolve iha Timor-Leste mak setor ekonomia no potensialidade balun iha Tasi Timor.

“Ha’u haree asuntu ne’e kapas tebes tanba ne’e, ha’u agradese durante ne’e sira apoiu ita liu husi asistensia teknika de’it maibé, ohin loron sira hakarak mós dezenvolve ekonomia Timor liu husi potensialidade ne’ebé ita iha,” dehan Aderito Hugo iha Parlamentu Nasionál, horseik.

Hugo dehan, Portugal mós ajuda Timor-Leste hodi tuir forum internasional sira hanesan CPLP no organizasaun sira iha ONU.

Rate this item
(0 votes)
Last modified on Kinta, 02 Fevereiru 2017 11:28

Independente Digital TV