×

Atenção

JUser: :_load: Não foi possível carregar usuário com ID: 425

JUser: :_load: Não foi possível carregar usuário com ID: 430

JUser: :_load: Não foi possível carregar usuário com ID: 424

TL-Austrália Diskute Fronteira Marítima iha Novaiorke Featured

By Marsu 31, 2017 2978
Ministru Negósiu Estranjeiru no Kooperasaun (MNEK), Hernâni Coelho Ministru Negósiu Estranjeiru no Kooperasaun (MNEK), Hernâni Coelho

DILI: Governu Timor Leste ho Austrália iha vontade polítika di’ak diskute akordu fronteira marítima. Ne’e duni, oras ne’e daudaun ekipa rua ne’e hala’o hela soru-mutu iha Novaiorke, Estadu Unidus Amérika (EUA).

Ministru Negósiu Estranjeiru no Kooperasaun (MNEK), Hernâni Coelho hateten kona-ba atu hakotu akordu CMATS, oras ne’e ekipa sira hala’o hela diskute iha Novaiorke.

“Ita nia ekipa iha Novaiorke sira iha hela enkontru. Agora sira hala’o hela kontinuasaun diskusaun ne’e”, dehan nia, iha Timor Plaza, horisehik.

Nia dehan, rai rua ne’e iha vontade di'ak atu buka solusaun ba akordu ne’e. Tanba Estadu rua ne’e komprometidu atu servisu ho boa fé rezolve kestaun ne’e.

Tuir nia, hakotu akordu CMATS laiha implikasaun, importante mak haree kompeténsia atu jere tasi ne’e to’o iha ne'ebé.

“Implikasaun laiha, tanba ita rasik mak husu atu haree Timor ninian kompeténsia atu jere tasi ne’e to’o iha ne'ebé,” dehan nia.

Nia hatutan importante mak bele fó serteza ida ba iha programa seguransa, navegasaun no ba dezenvolvimentu.

Rate this item
(0 votes)

Independente Digital TV