Sábadu, 16 Dezembru 2017 | Login
Fidel Castro Fidel Castro

Raul Castro Apresia Cuba Kapasita Médiku Timoroan 939 Featured

DILI: Prezidente Repúblika Cuba, El Komandante Raul Modesto Castro Ruz kontente ho kooperasaun Timor-Leste no Cuba la’o di’ak tebes iha setór saúde konsege fó ona kapasitasaun rekursu umanu ba Timoroan Timoroan hamutuk 939 mak hasai ona kursu medisina  iha Kuba.

Prezidente Cuba Raul tranzmite mensajen ne’e liu husi Embaixadór Kuba ba Timor-Leste, Óscar Genaro hodi ko’alia mós kona-ba sira nia sentimentu kontente ho númeru Médiku Timoroan ne’ebé atinji ona ema 934, katak besik ona atu atinji númeru 1000 haktuir ba akordu ne’ebé uluk Primeiru Governu Konstitusionál halo ho Prezidente Fidel Castro.

Foin daudauk ne’e mós Ministériu Saúde haruka tan médiku Timoroan balun kontinua ba hala’o estudu iha Kuba iha área médiku nian.

Prezidente Raúl Castro mós hato’o mensajen agradesimentu ba mensajen kondolénsias husi Prezidente Repúblika Timor-Leste, Dr. Francisco Guterres Lú Olo ba Cuba, liuliu ba vítima sira Furakaun Irma ninian. Ikus liu, Prezidente Raúl Castro mós agradese Primeiru Ministru ba Timor-Leste ninia apoiu ba rezolusaun ONU kona-ba blokeia Estadus Unidus Amérika nian hasoru Cuba.

Parte seluk, Prezidente Cuba, Raul Modesto Castro Ruz kongratula VII Governu ne’ebé lidera husi Primeiru Ministru Mari Alkatiri.

Xefe Estadu Cuba alin husi Eis Prezidente Videl Castro (Matebian) hato’o mós agradese ba kooperasaun Timor-Leste no Kuba hodi servisu hamutuk iha área médiku nian.

Entretantu, Xefe Governu dehan, TL sei kontinua kria kooperasaun di’ak ho Cuba.

 

Read 965 times
Rate this item
(0 votes)
  • MidAd1
  • Heineken Klaran
AdBottom1