×

Atenção

JUser: :_load: Não foi possível carregar usuário com ID: 430

PM Konsidera Fronteira Fatin Tránzitu Sasán Ilegál Featured

By Juñu 22, 2017 1820
Fronteira Timor-Leste ho Indonesia Fronteira Timor-Leste ho Indonesia

DILI: FALINTIL Forsa Defeza Timor Leste (F-FDTL), unidade Polisia Militár (PM) konsidera fronteira terrestre no marítima entre Timor-Leste ho Indonézia sai fatin tránzitu hodi hatama sasán ilegál.

Polisia Militár konxiente área ne’e frajil halo tranzasaun ilegál hafoin prende tan mina-rai tonelada 2 rua, iha Batugadé, fulan kotuk.

Komandante Polisia Militár, Majór Abel da Costa Xavier ‘Niki’ hateten, foin lalais ne’e Polisia Militár prende tan mina-rai tonelada rua bainhira operasaun.

Iha operasaun ne’e, nia dehan, kada loron sira sempre sita kombustivel ho jerigen litru ruanulu nian lima ka hamutuk litru atus ida ba leten.

Nune’e, iha operasaun ne’e mós PM kaptura suspeitu timoroan hamutu 40 hamutuk ho evidénsia sira hodi entrega ba Alfándega ho Polisia Nasionál Timor-Leste (PNTL), ne’ebé halo seguransa iha área ne’ebá.

“Bainhira ita prende evidénsia sira ne’e ita entrega ba ita nia maluk Alfándega ho polisia sira hodi prosesa kazu ne’e”, tenik nia, iha kampaun Polisia Militár, Kintál Boot-Dili, horisehik.

Nia dehan, dala barak evidénsia hirak ne’e hatama iha fronteira rai maran, tanba dalan korta iha parte fronteira ne’ebá barak hodi bele fasilita sidadaun sira hatama sasán ilegál hanesan nesesidade báziku no kombustivel.

Alende rai maran, nia dehan, dala barak komunidade sira área ne’ebá mós hatama sasán liu husi tasi laran.

Ema sira ne’ebé hela iha área ne’e mós hafuhu malu ho parte seguransa sira, bainhira sira haree operasaun komesa menus, sira hahú hatama sasán ilegál mai iha Timor-Leste.

Majór Niki dehan, prezensa PM nian iha fronteira nasaun rua ne’e konsege diminui ona atividade tranzasaun ilegál. Maski nune’e, forsa sira sei kontinua hametin seguransa iha PNTL nia kotuk.

Daudaun ne’e, postu PM rasik muda hikas ona área Manduki nian hodi haforsa polisia iha liña fronteira, hodi minimiza atividade tranzasaun ilegál iha área ne’e.

 

Rate this item
(0 votes)

Independente Digital TV