Items filtered by date: Sexta, 14 Dezembru 2018

DILI: Labarik ho idade tinan rua-resin mate iha Munisípiu Lautem, Postu Administrativu Lospalos, Suku Bauro, Aldeia Sepelata, hafoin konsumu paun, iha Tersa (11/12).

Tuir informasaun ne’ebé rekolla husi família, matebian Carla Cinta da Costa ho ninia família sira konsumu paun ne’ebé ninia aman sosa iha Terminál Bekora, bainhira atu halo viajen husi Dili ba Lospalos, iha Segunda (10/12).

DILI: Desizaun Prezidente Repúblika hodi veta Lei Atividade Petrolíferu nian automatikamente la fó dalan ba Governu atu bele foti osan direitamente husi Fundu Petrolíferu hodi sosa asaun ConocoPhillips no Shell.

DILI: Komandu Polisia Nasionál Timor-Leste, Eskuadra Bekora, Kuarta(12/12) kalan maizumenus tuku 10:30 hetan vizita husi pesoál membru FALINTIL-Forsa Defeza Timor-Leste (F-FDTL) na’in tolu husi Komponente Navál ho kondisaun lanu, no hakilar polisia to’o baku malu.

DILI: Parlamentu Nasionál ()PN diskute ona ninia orsamentu privativu ba tinan 2019. Iha diskusaun ne’e partidu opozisaun FRETILIN aprezenta proposta alterasaun hodi hasai osan ba sosa karreta foun ba deputadu sira, maibé meza la simu tanba konsidera proposta hatama tarde.

DILI: Relasiona ho Lei Atividade Petrolíferu ne’ebé Prezidente Repúblika veta ona sei halakon Orsamentu Estadu. Bainhira Governu la selu asaun ne’e to’o iha fulan Marsu 2019, Estadu Timor iha devér tenke selu multa ba kompañia ConocoPhillips kada tinan ho osan tokon $7.

DILI: Prezidente Repúblika, Francisco Guterres ‘Lú Olo’ ofisialmente deklara veta Lei Atividade Petrolíferu, nune’e difikulta governu atu foti osan sosa asaun ba ConocoPhillips no Shell. Ne’e duni Governu sei koopera ho Parlamentu Nasionál buka alternativa seluk.