Kuarta, 22 Novembru 2017 | Login
Alkatiri ho Xanana Alkatiri ho Xanana

Alkatiri Konfia Xanana Diskute Dezenvolvimentu Greater Sunrise Featured

DILI: Governu Timor-Leste no kompañia esploradór mina matan Greater Sunrise, Tersa (7/11), ohin, hahú diskute dezenvolvimentu esplorasaun iha área ne’e.

Tanba ne’e, Primeiru Ministru, Mari Alkatiri, kontinua fó apoiu ba Xefe Negosiadór, Kay Rala Xanana Gusmão, ho ninia ekipa tomak atu bele hetan solusaun ne'ebé di'ak liu ba povu Timor-Leste.

“Ha'u nia konfiansa totál ba ita nia Xefe Negosiadór, Xanana Gusmão, ho nia ekipa tomak,” dehan PM Alkatiri, iha Aeroportu Komoro, hafoin fila hikas husi Austrália, horisehik.

Tuir planu negosiasaun ba dezenvolvimentu posu mina Greater Sunrise sei hala'o iha Brisbane-Austrália.

Nia Dehan, mina matan Sunrise ne’e atu dada mai TL ka ba Darwin Austrália seidauk bele define klaru tanba iha kestaun komersiál ne’ebé sei diskute.

Maibé, nia dehan, Ekipa Negosiadór ne’e la'ós diskute ona ho Governu Austrália, maibé ekipa sira ne’e halo diskusaun fali ho kompañia ne’ebé atu halo perfurasaun ba mina ne’e.

Nia dehan, asuntu ne’e nu'udar interese nasionál, tanba ne’e hotu hotu tenke hamutuk. 

Read 890 times Last modified on Kuarta, 08 Novembru 2017 18:41
Rate this item
(0 votes)
  • MidAd1
  • Heineken Klaran
AdBottom1