Items filtered by date: Kuarta, 30 Janeiru 2019

DILI: Justisa ne’ebé Sekretáriu Jerál CNRT, Francisco Kalbuuadi Lay no eis-Ministru Saúde, Sérgio Lobo hasoru hela kontinua la'o prosedura normál nian.

Iha prosesu investigasaun eis-Ministru Saúde, Sérgio Lobo, koopera tebes ho parte justisa nian. Bainhira hetan notifikasaun ruma husi Ministériu Públiku sempre kumpre ninia devér.

Liu husi ninia account Facebook ofisial, Sérgio Lobo deklara katak, nia rasik ba Ministériu Públiku dala rua ona perante fulan Novembru 2018 nian. Ida presta deklarasaun no seluk maka entrega dokumentu.

Ne’e duni, nia rejeita totál informasaun hotu-hotu ne’ebé durante ne’e espalla iha públiku katak deskonfia nia halai husi justisa.

“Ha'u la halai husi justisa! Ha'u laiha problema ho justisa! “Sebaliknya”, agora justisa maka iha problema ho ha'u, tanba hodi justisa nia naran sira difama ha'u no ha'u labele halo buat ida”, tenik nia.

Entretantu, Sekretáriu Jerál Partidu CNRT, Francisco Kalbuadi Lay, oras ne’e daudaun halo hela tratamentu saúde iha Singapura.

Tuir informasaun ne’ebé diáriu ne’e asesu husi Prezidente Bankada CNRT, Duarte Nunes hateten, foin lalais kalbuadi ba cheek up saida iha Singapura hodi haree fali rezultadu operasaun ne’ebé halo antes ne’e, maibé médiku sira sujere atu bele baixa.

“Médiku sira husu atu nia baixa. Tanba ne’e sei kontinua halo observasaun ba ninia saúde”, dehan nia, via telemovel.

Nune’e, tuir Deputadu Duarte, ospitál mós haruka ona karta koñesimentu ba Tribunál relasiona ho situasaun Kalbuadi nian.

Tuir planu, eis-Ministru Turizmu ne’e sei fila fali mai Timor-Leste iha fulan-Fevereiru nia laran.

 

Published in Krime
Kuarta, 30 Janeiru 2019 11:56

AMP Garante PR sei Promulga OJE 2019

DILI: Aliansa Maioria Parlamentár (AMP) optimista Prezidente Repúblika (PR) sei promulga fali Orsamentu Jerál Estadu (OJE) tinan fiskál 2019 bainhira Parlamentu Nasionál halo reapresiasaun.

Published in Politika

Independente Digital TV

Tuir ami iha Twitter

Kalendariu Notisia

« January 2019 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31