Items filtered by date: Tersa, 13 Fevereiru 2018

Tersa, 13 Fevereiru 2018 21:45

KM Nomeia Agio Pereira Asina Akordu FM

DILI: Governu liu husi reuniaun Konsellu Ministru Estraordináriu deside hodi nomeia Ministru Adjuntu Primeiru no Ministru Ba Delimitasaun Fronteira Marítima, Hermenegildo ‘Agio’ Pereira hodi asina nota entendimentu ba fronteira marítima, ne’ebé sei realiza iha Novaiorke, iha loron 6 Marsu 2018.

Published in Nasional
Tersa, 13 Fevereiru 2018 21:41

CNE Preokupa Apoia Lojístika ba EA

DILI: Komisaun Nasionál Eleisaun (CNE) preokupadu tebes ho materiál lojístika hodi ajuda tékniku sira hodi dezloka materiál sensitivu ba área remota durante prosesu eleisaun antesipada.

Prezidente CNE, Alcino Barris hateten, obstaklu barak mak daudaun ne’e sira preokupa, liuliu transporte hodi ajuda ekipa tékniku bainhira halo edukasaun sívika iha terrenu.

Nia hatutan, agora tempu udan, nune’e fallansu boot ba ekipa tékniku CNE nian bainhira enfrenta iha terenu hodi halo edukasaun sívika.

Ami halo edukasaun sívika iha munisípiu 13, iha obstaklu no dezafiu oioin mak ami enfrenta iha terrenu”, dehan Barris, hafoin soru-mutu ho Xefe Governu, iha Palásiu Governu, horisehik.

Nune’e, nia dehan, presiza reforsa lojístika liuliu transporte hodi apoia tékniku sira atu halo edukasaun sívika iha terrenu.

Tanba ne’e, CNE ezije ba Governu atu rezolve lalais parte lojístika, liuliu transporte atu labele inkomoda atividade edukasaun sívika no prosesu resenseamentu foun ba sidadaun sira iha rai li'ur no rai laran.

Maski nune’e, Alcino garante katak eleisaun antesipada sei la’o di'ak, importante maka kolaborasaun husi Governu nian hodi fasilita di'ak liután servisu CNE hodi halo edukasaun sívika no resenseamentu ba sidadaun sira ho justu no satisfatóriu.

Sei Muda Lei Eleitorál Tuan

Hasoru eleisaun antesipada CNE hamutuk ho Sekretariadu Tékniku Administrasaun Eleitorál (STAE) sei halo re-ajustamentu ba lei eleitorál tuan, tanba Governu hakarak dekreta lei foun hodi fó livre ba sidadaun sira vota iha kualkér fatin.

Prezidente CNE Alcino Barris hatete, CNE tenta atu revé fali lei eleitorál tuan dekreta ona tuir Governu anteriór regulariza, maibé posibilidade reajusta bele akomoda másimu partisipasaun eleitór sira iha eleisaun antesipada.

Nia dehan, obstaklu sira ne’e CNE ho STAE daudaun ne’e enfrenta ba lista baze dadus eleitór sira, karik iha espasu ruma atu revé fali dekretu lei foun presiza reajusta fali lei eleitorál nune’e atendementu di'ak liután.

Ida ne’e mak ami propoin mós maibé prosesu ba dekretu lei sira ne’e labele xoke malu fali ho lei sira seluk, presiza altera iha Parlamentu Nasionál, maibé iha dekretu de'it Governu iha kompeténsia tomak atu revé lei sira ne’e”, tenik nia.

Nia hatutan, buat balun ne’ebé deside liu husi dekretu governu bele reajusta, nune’e bele ajuda CNE ho STAE halo atendementu ho di'ak liután.

Ne’e duni, bainhira governu hasai dekretu foun posibilidade sei hasae mós taxa partisipasaun eleitór sira nian iha eleisaun antesipada.

Entretantu, Diretór Jerál STAE, Acilino Manuel Branco hateten, STAE sei halo ajustamentu ba lei ne’e, maibé sira rasik iha ona ajenda atu halo diskusaun hodi responde ba ezijénsia Governu nian.

Nia hatutan, daudaun ne’e preparasaun tékniku STAE kontinua halo re-ajustamentu bazeia ba lei no mós dekretu lei Governu anteriór artigu 21/2017, ne’ebé haree liu ba funsionamentu prosesu votasaun diretu ba votu no lokál votu ba iha eleisaun iha tinan kotuk nian.

Maibé, bainhira iha iha alterasaun ba lei eleitorál, STAE mós hakarak halo re-ajustamentu ba lejizlasaun ruma halo re-ajustamentu ba lei eleitorál foun atu bele hasa’e tasa partisipasaun ba votasaun iha eleisaun antesipada.

Antes ne’e, Primeiru Ministru, Mari Alkatiri hateten, Governu hakarak kria dekretu lei eleitorál foun hodi husu ba sidadaun eleitór sira tenke vota iha kualkér fatin, nune’e labele lakon votu iha eleisaun antesipada.

Ne’e Duni, VII Governu konstitusionál hahú estuda hodi bele hamosu dekretu lei foun hodi bele legaliza ideia ne’e.

Published in Nasional

DILI: Polisia Nasionál Timor Leste (PNTL) liu husi Polisia Servisu Migrasaun, deteta ema estranjeiru na’in 20 la kumpre lei obrigasaun komunikasaun estranjeiru bainhira muda hela fatin.

Published in Krime

DILI: Dezde inisiu tinan 2018 mosu dezastre naturais oioin iha nasaun, hahú husi udan boot, anin boot no ahi han uma. Husi akontesimentu hirak ne’e hotu rejista kazu 1.960 no ema na’in tolu mate.

Published in Nasional
Tersa, 13 Fevereiru 2018 20:43

Tribunál Simu ona Pedidu Auditóriu ZEESM

DILI: Tribunál Kontas simu ona pedidu husi Primeiru Ministru, Mari Alkatiri, hodi halo auditoria ba mega projetu Zona Espesiál Ekonomia Sosiál Merkadu (ZEESM) ne’ebé implementa iha Rejiaun Autónoma Espesiál Oekusi-Ambenu (RAEOA).

Published in Nasional

DILI: Primeiru Ministru, Mari Alkatiri, hakarak kria dekretu lei hodi husu ba sidadaun eleitór sira tenke vota iha kualkér fatin, nune’e labele lakon votu iha eleisaun antesipada.

Published in Nasional

DILI: Ekipa Funsionáriu Diresaun Nasionál Alfándega Timor-Leste, Postu Batugadé, Munisípiu Bobonaru, prende feto sidadaun Indonézia ida ne’ebé lori osan mean kontrabandu mai Timor-Leste.

Published in Krime

Independente Digital TV

Tuir ami iha Twitter

Kalendariu Notisia

« February 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28