×

Atenção

JUser: :_load: Não foi possível carregar usuário com ID: 422

JUser: :_load: Não foi possível carregar usuário com ID: 428

Print this page

Ligia Tomas Correia: Tempu atu Servi no Hadia Featured

By Marsu 30, 2017 3103
Ligia Tomas Correia Ligia Tomas Correia

Halo buat ne’ebé Ó bele, tuir Ó kbiit hodi kontribui ba prosesu dezenvolvimentu nasaun. Tempu ona atu idaidak hadia nia kapasidade, hatudu maturidade no kometimentu hodi bele hala’o responsabilidade ne’ebé simu.

Durante tinan barak nia laran, Ligia Tomas Correia buka atu kapasita nia an, kontinua estuda no hadia frakeza ne’ebé nia atu bele hala’o nia knar di’ak liu tan.

Liu husi serbisu ne’ebé nia hala’o ne’e, Governu Timor-Leste fó fiar ba nia atu sai adida edukasaun ba Indonezia. Serbisu todan ne’ebé nia tenke hala’o mak oinsa atu bele atende di’ak liu tan estudante Timor-oan ne’ebé daudauk ne’e sei hala’o estudu iha Indonezia.

Ligia Tomas Correia oan husi Tomas Correia (matebian) no Maria Eugenia Correia (matebian), moris iha Lospalos 10 Marsu 1967 ne’e moris husi familia ne’ebé iha disiplina maka’as.

Nia aman, Tomas Correia iha tempu Portugues nudar Administradór Postu iha Munisipiu Baukau implementa disiplina ne’ebé maka’as, husi ne’e mak Ligia haka’as an hodi sai ema ne’ebé susesu.

Ho ambitu familia ne’ebé nakonu ho disiplina, Ligia ne’ebé ho maun-alin na’in neen ne’e, feto 3 no mane 3, esforsu an hodi hala’o estudu. Ho apoiu husi ninia inan-aman, Ligia konsege realiza duni ninia hakarak.

Ligia remata nia eskola baziku iha SD IX Dili no remata nia eskola Pre-primaria Públiku iha Eskola Nú.3 Bekora no remata Sekundaria Públiku iha Eskola Nú.1 Bekora.

Hafoin remata, Ligia kontinua nia estuda S1 iha Udayana Bali–Indonezia iha area Peternakaan, no bainhira TL hetan ukun an, Ligia kontinua estudu mastradu (S2) iha Universitas Gajah Mada (UGM) iha area Estudu Ambiente, Yokyakarta–Indonezia.

Aleinde titlu ne’ebé nia iha, Ligia mós iha esperensia lubuk ida iha serbisu, iha tinan 2000 to’o 2005 nia serbisu hanesan Konsultora Nasionál iha Ministériu Agrikultura.

Iha tinan 2005 to’o agora, Ligia sai hanesan dosente material Migrobiolijia ba Jenetika no Jestaun Ambiente iha Universidade Nasionál Timor Lorosa’e (UNTL).

Daudauk ne’e, Ligia simu tan knar foun husi Ministériu Edukasaun atu sai adida edukasaun iha Indonezia durante tinan lima nia laran.

Ba knar foun ne’e, Ligia promete atu esforsu an hodi serbi di’ak liu tan estudante Timor-oan iha Indonezia.

“Ha’u sei esforsu atu hadi’a di’ak liu tan kualidade estudante Timor-oan iha Indonezia,” deklara nia iha dadalia ho jornalista Jornál INDEPENDENTE foin lalais.

Oan ba datoluk ne’e promete atu sei halo mudansa balun iha ninia serbisu nudar adida atu oferese serbisu ne’ebé di’ak liu tan ba estudante sira.

Ho konfiansa ne’ebé nia hetan no ho komitementu ne’ebé nia iha hein katak nia sei lori duni mudansa balun. Boa susesu.

Rate this item
(0 votes)

Latest from