Print this page

Explora Sivilizasaun Antigu iha Kaverna Tigre Featured

By INDEPENDENTE Juñu 14, 2017 1158
Ema lubuk ida vizita Kaverna Tigre (Goa Harimau) iha Suku Padang Bindu, Postu Administrativu Semidang Aji, Munisipiu Ogan Komering Ulu, Kinta (15/4/2017). Kaverna ne’e rai eransa lubuk ida ne’ebé deskonfia nudar ema antigu sira-nia hela-fatin dezde tinan 22.000 ba kotuk. FOTO: Kompas.com Ema lubuk ida vizita Kaverna Tigre (Goa Harimau) iha Suku Padang Bindu, Postu Administrativu Semidang Aji, Munisipiu Ogan Komering Ulu, Kinta (15/4/2017). Kaverna ne’e rai eransa lubuk ida ne’ebé deskonfia nudar ema antigu sira-nia hela-fatin dezde tinan 22.000 ba kotuk. FOTO: Kompas.com

TAMA iha area Kaverna Tigre (Goa Harimau) iha Bukit Karang Sialang, Suku Padang Bindu, Postu Administrativu Semidang Aji, Munisipiu Ogan Komering Ulu, Sumatera Sul, hanesan fila fali ba moris antigu iha tempu uluk liu ba.

Aleinde paisajen natureza ne’ebé furak, kaverna ne’e mós husi hela eransa ho valores nobres (nilai-nilai luhur) ba moris ohin loron.

Iha Kinta (13/4/2017), ema lubuk ida, hahú husi etudante eskola primaria, sekundaria, universidade to’o jornalista sira, hakat ba hodi haree besik liu tan furak husi Kaverna Tigre ne’e.

Kaverna ne’e la dook husi Kaverna Prinseza (Goa Putri) ne’ebé lokaliza kuaze kilometu 230 husi Sidade Palembang. Maibé, la fasil atu to’o iha fatin ne’e.

Vizitante sira tenke liu husi ai-laran no presiza hakar sa’e uitoan (mendaki) tanba kaverna ne’e iha area foho ne’ebé besik ho mota Ogan.

Ai-teka ne’ebé forma tutuir-malu ho kintal kafé ne’ebé sikat iha parte balun sei hamaluk vizitante sira-nia viajen ba Kaverna Tigre. Dalan ne’ebé atu liu defisil uitoan, liliu iha tempu udan, tanba dalan ne’e sei domina ho fatuk no rai-mean.

Presiza kuidadu bainhira hakat tanba iha area balun tarjetoria ingreme (lintasan curam) tebes. Se la kuidadu, vizitante bele monu tama ba mota.

Hafoin liu mota kiik, vizitante tenke sa’e eskada 105 atu bele to’o iha Kaverna Tigre nia ibun ne’ebé ho diametru 50 no as to’o metro 30.

Kaverna Tigre lokaliza iha foho kalsariu (gamping) ne’ebé uluk nudar solo oseâniku (dasar laut) ne’ebé badak. Ikus mai akontesimentu tektonika hamosu solo oseâniku ne’e ba rai-maran.

Akontesimentu natureza ne’e halo area ne’e sai formasaun karistika (formasi kars) ida. Sitiu ne’e hanaran Kaverna Tigre tanba tuir istoria uluk komunidade sira iha area ne’e rona hela de’it Tigre nia lian iha husi kaverna laran.

Kamadas Tolu

Bainhira to’o iha Kaverna Tigre, vizitante bele haree kedan paisajen furak no halo tauk uitoan. Fileiras estalaktites no estalagmites (Jejeran stalaktit dan stalakmit) halo ema ne’ebé haree sente impresionadu.

Ema ne’ebé tau-matan ba Kaverna Tigre, Dodi Chandra (34), esplika, kaverna ne’e iha kamadas tolu (tiga lapisan). Kamada dahuluk mak kamada ne’ebé vizitante sir abele vizita daudauk.

Kamada daruak so bele to’o de’it liu husi sa’e fatuk ne’ebé iha kamada dahuluk. Baibain iha kamada ne’e iha manu andoriñas (walet) no niki. Enkuantu kamada ikus liu mak área desertu (kawasan belantara) ne’ebé ai fuik sira moris ba. 

Rate this item
(0 votes)