Kinta, 16 Agostu 2018 | Login
Artista Senio TL Ego Lemos Artista Senio TL Ego Lemos

Banda Ego Lemos A3 Sei Partisipa Festivál Croos Border Featured

DILI: Banda Ego Lemos A3 hetan konvite husi ministériu Turizmu Repúblika Indonézia hodi  tuir festivál Croos Border iha Atambua-Indonézia.

Objetivu husi Festivál Croos Border iha Atambua Indonézia atu hodi hametin relasaun kultural husi rai rua ne’e.

Tuir planu eventu importante ne’e sei realiza iha loron 27 too 28 fulan-Jullu tinan ne’e iha Kampu Simpang Lima Sidade Atambua Belu- Nusa Tenggara Timur.

Artista Senior Timor Leste Ego Lemos hatete, objetivu husi atividade croos border ne’e hanesan interkámbiu husi artista Timor no Indonézia liu-liu atu hametin reasaun povu  rai rua ne’e.

Nia dehan, Iha Atambua Timoroan barak hela iha ne’ebá, tan ne’e festivál ne’e bele halibur sira no anima di’ak liu tan atu bele iha relasaun di’ak ho malu.

“Nu’udar artista Timoroan ami koko atu kontribui ba iha ita nia relasaun kultural entre nasaun rua,” dehan nia iha sede Permatil faról-Dili, horisehik.

Nia dehan, Banda Ego Lemos A3 sei lori múzika neen.

“Ami husi banda Ego Lemos A3 sei lori múzika neen primeiru mak ‘haburas rai’ musika ne’e bele fó mensajen ba ema oinsá atu kuidadu ambiente tanba haree iha fronteira ne'ebá nasaun rua ne’e enfrenta situasaun ambientál barak,” dehan nia.

Tuir oráriu banda múzika Ego Lemos A3 sei hananu iha loron sábadu 28 fulan-Jullu hamutuk ho banda múzika Titans ho banda seluk husi Indonézia.

Tanba ne’e , nia husu ba maluk sira iha Timor karik iha interese bele ba Atambua hodi haree direita festivál Croos border no bele mós passa tempu hodi vizita família iha Atambua.

Read 340 times
Rate this item
(0 votes)