Sábadu, 23 Marsu 2019 | Login
Xanana ho taur iha kampanha Xanana ho taur iha kampanha

Xanana: Aileu sei Fatin Instaladora Ba Universitáriu Featured

AILEU: Planu estrategiku koligasaun Aliansa Mudansa ba Progresu (AMP) sei halo konsentra universidade iha munisipiu Aileu tanba jeografikamente fatin ne’e malirin.

Prezidenti AMP, Kay Rala Xanana Gusmão hateten, Aileu fatin ne’ebé potensial ba oltikultura, nune’e Aileu mós fatin sentru ba universitariu hodi akumula timoroan sira tanba jeografikamente rai malirin.

Nia dehan, Aileu-oan tenke fiar aan hodi vota ba AMP tanba bainhira hetan vitoria, Aileu sei konsentra timoroan hotu hodi kontinua hala’o estudu hodi prepara jerasaun foun hodi ukun nasaun ne’e.

“Baihira imi Aileu hamutuk ho ami ita hotu prontu hadia liutan nasaun ne’e hodi lori imi ba naroman”, tenik nia, iha kampaña AMP nian, iha Aileu, horisehik.

Nia dehan, aaida mak akontese iha pasadu rekonese duni. Ne’e duni CNRT hamutuk ho PLP no KHUNTO prontu ona lori nasaun ne’e ba oin, tanba eleisaun antesipada referendum daruak, bainhira Aileu-oan hamutuk ho munisipiu seluk hodi fó vitoria ba AMP mak hamutuk ho povu la’o ba oin.

Xanana hateten, progrma prioridade ba munisipiu Aileu mak ba governasaun Aileu rasik hadia kapasidade rekursu umanu hodi eleva kualidade servisu publiku iha Aileu, kontinua promove kualidade jestaun finanseira no boa pratika ba administrasaun iha munisipiu.

Nune’e, hametin liutan munisipio Aileu ho sidade amiga husi Hume ho Mureland Australia, Portugal ho Koreia. Nune’e, kontinua hametin iha area estudu komparativa ho sidade seluk husi nasaun amiga.

“Ba imi Aileu fiar ka lae imi sei sai sidade ba universitariu,” tenik nia.

Ba infrastutura baziku iha Aileu, AMP prioridade liu ba hadia estrada ho ponte ne’ebé liga ba postupostu administrativu suku ho aldeia, lori eletrisidade ba suku ho aldeia ne’ebé sidauk asesu, fornese bé mós no saneamentu ba fatin ne’ebé sidauk asesu.

Nune’e, harii infrastutura ne’ebé presiza ba dezenvolvimentu turizmu, kontinua moderniza merkadu tradisional iha Aileu, harii estadiu no jinaziu ba sentru desportu no arte ho kultura.

Kona-ba dezenvolvimentu rekursu umano, Xanana prioridade mak prepara no harii universitario ne’ebé sidade iha munisipio Aileu, reforsa ensonu sekundaria tekniko vokasional iha Aileu.

Tanba ne’e, AMP mós reforsa dezenvolvimentu setor turuismu iha Lagoa Seloi ho Ai-Sirimou, queda de agua entre Remexio ho Dare, inklui biodivirsidade hodi asesu ba fatin istoriku sira.

Nune’e, ba akuakultura dezenvolve ikan iha Aseloi-Kraik, optimiza utulizasaun lagoa Seloi ho konstrusaun digues ba retensaun no utilizasaun ba agua.

Kontinua enkoraza setor Investimentu ba setor privadu iha Lekidoe ba produsaun sabraka, nune’e kontinua dezenvolve produsaun ba Kafé, ai-fuan, ai-funan hodi nune’e atrai turista.

Tanba ne’e, Aileu-ona tenke fó konfiasa ba AMP tanba fiar kata programa ne’e sei lori povu timoroan special liu ba Aileu hodi dezenvove diak liuta prioridade sira ne’ebé potensial iha Aileu. 

Read 273 times
Rate this item
(0 votes)