DILI: Sekretariu Jeral partido FRETILIN, Mari Alkatiri husu ba Governu ho urjentemente atu loke ona dalan (pontu entrada sira) ba ema sira ne’ebé hakarak fila ba sira nia knua ka Munisipiu.  

“Ba VIII Governu Konstitusionál, ha’u propoin hodi loke koredor ba “exodo urbanu” ba ema sira ne’ebé hakarak fila ba sira nia knua; disponbiliza transporte atu fasilita sira nia viajen no halo kontrole sanitariu efetivu liu;

identifika sidadaun ida-idak ne’ebe sai no viatura ne’ebé uza,”dehan eis Primeiru Ministru ne’e, liuhusi nia pajina facebok, sábdu ohin (3/4).

Maski nunee, Alkatiri fó hanoin nafatin atu sidadaun sira ne’ebé teste ona iha Dili labele hamutuk iha viatura ida deit ho sira ne’ebé seidauk teste.

Mobiliza partisipasaun husi familia no autoridade komunitaria sira, iha fatin ne’ebé sira atu ba, hodi fasilita kontrole sanitariu no permite atu halo teste SWAB ba sira hotu ne’ebé sai husi Dili sem teste, no teste daruak depois de minimu loron 10 ba ema hotu ne’ebe sai husi Dili.

“Urjente tebes atu halao ida ne’e hodi bele respeita vontade sidadaun sira nian sem tau em kauza nesesidadi husi sira ne’ebé luta hela kontra propagasaun Covid-19,”dehan nia.

Molok ne’e, sesta horsehik (2/4), komunidade sira iha Dili ne’ebé hakarak fila ba ida-idak nia Munisipiu halibur malu iha pontu entrada sira, hanesan Metinaro, Tasitolu no Manleu Beduku.

Kuaze ema rihun mak ezijé hodi loke dalan, maibé parte PNTL iha liña fronteira kontinua bandu atu labele sai husi serka sanitária Dili tuir rezolusaun Governu.

Prezidente Repúblika, Francisco Guterres Lú Olo, iha 31 marsu 2021, dekreta estadu emerjénsia dasanuluk-resin-rua ba loron loron tolu-nulu (30), hahú husi tuku 00.00 iha  3 abril 2021 no termina iha tuku 23.59 iha 2 maiu 2021, iha territóriu nasionál tomak.

Entretantu Governu liuhusi Konsellu Ministru (KM), prolonga ona serka sanitária iha munisipiu Dili ba loron 14 no ba munisipiu Baucau no Vikeke aumenta tan loron 7, hahú sura husi loron 2 Abril 2021 too remata.

 

Jornalista: Saturnina da Costa

Editor: Jose Sarito Amaral

DILI:Sekretáriu Jerál Partidu FRETILIN, Mari Alkatiri, tersa ohin (7/7) submete ona keixa ba Ministériu Públiku (MP) hodi hasoru membru balun husi Conselho Politiku Nasionál (CPN-CNRT).

SekJer Alkatiri hatoo keixa akompaña husi nia maun Ahmad Alkatiri ho advogadu privadu sira,

Alkatiri hatoo keixa nuudar sidadaun ida relasiona ho akuzasaun husi CPN-CNRT hasoru Alkatiri simu suborno husi ConocoPhilips.

DILI:  Partidu politiku lima deside ona hodi la'o hamutuk ho CNRT forma koligasaun foun, ho nune'e Sekretariu Jeral FRETILIN Mari Alkatiri espera katak sira bele hetan sorte di'ak.

Partidu hirak ne'ebé sai ona CNRT nia aliadu mak PD, KHUNTO, PUDD, UDT no FM.

DILI:Sekretariu Jerál FRETILIN, Mari Alkaatiri deklara governu dasia (nono Governu) ne'ebé lidera husi prtidu CNRT hamutuk ho KHUNTO, PD, PUDD, UDT no FM sei ladura to'o mandatu remata no sei monu fila-fali.

DILI:Sekretáriu Jerál Partidu FRETILIN, Marí Alkatiri konsidera koligasaun foun ne’ebè lidera husi CNRT hamutuk PD, KHUNTO, PUDD,UDT, FM hanesan labarik kiik foin hahoris, maibé mate fila-fali.

DILI: Partidu FRETILIN ne'ebé sai nu'udar partidu ho kadeira barak liu iha Parlamentu Nasionál (PN) sei la halo aprosimasaun ba partidu politiku sira seluk atu buka solusaun hakotu impase politika ne'ebé akontese iha Timor Leste.

DILI: Eis-Primeiru Ministru, Mari Alkatiri dehan, negosiasaun polítika entre Timor Leste ho Austrália atu halo ratifikasaun ba Akordu Delimitasaun Fronteira Marítima ho persentajen 70 : 30 konsidera Timor-Leste lakon.

OEKUSSE: Ohin, tempu ba Mari Alkatiri hodi ‘ukun’ Rejiaun Administrativa Espesial Oekusse Ambeno (RAEOA) durante tinan lima, remata.

Maske nune’e, eis Primeiru Ministru ne’e husik hela ninia liman-fatin ne’ebé labele fihir de’it ho matan-sorin.

OEKUSI: Prezidente Autoridade Rejiaun Administrativu Espesiál Oekusi Ambenu (RAEOA), Mari Alkatiri, rekoñese iha diferensa ideia ho Negosiadór Prinsipál ba Delimitasaun Fronteira Marítima, Kay Rala Xanana Gusmão, iha kontestu dezenvolvimentu nasionál.

DILI: Gabinete Rejiaun Administrativu Espesial Oekusi-Ambenu haruka konvite ofisial ba Xefe Negosiador Fronteira Maritima, Kay Rala Xanana Gusmão, atu partisipa eventu inaugurasaun Aeroportu Internasional Rota do Sândalo-Oekusi.

Maski nune’e, Xanana Gusmão la ba partisipa projetu ne’ebé iha tinan 2016 liu, nia hamutuk ho Prezidente Zona Espesial Ekonomiku Sosial Merkadu (ZEESM), Mari Alkatiri rasik maka lansa.

Página 1 de 5

Independente Digital TV