Sosiedade Sivil Husu Kandidatu Membru Governu Rezigna Featured

By INDEPENDENTE Jullu 11, 2018 1056
Emblema Sosiedade Sivil Emblema Sosiedade Sivil

DILI:Atu hakotu impase polítika rai laran, sosiedade sivíl husu ba husu ba kandidatu governante sira ne’ebé naran tama iha lista pendente tenke rezigna-aan.

Responsavel Programa Associations Justice And Right (AJAR), Inocêncio Xavier, husu ba kandidatu membru governu sira ne’ebé tama lista problemátiku tenke halo solidária ho Kay Rala Xanana Gusmão, tanba nia solidariedade ba sira hodi la tuir pose iha primeiru to’o mai iha segundu faze.

Tanba ne’e, atu tau interese Estadu, prontu bele ko’alia ho maun Xanana katak, hakarak retira aan husi pozisaun ne’e hodi hakotu prosesu ne’e bele ba kaer fali servisu seluk hodi nafatin kontribuisaun ba iha prosesu dezenvolvimentu nasionál.

”Se ita nafatin utiliza maun boot Xanana Gusmão tanba nia solidária ona ita forte hodi nafatin eziste ba iha podér ne’e, hanoin sira la tuir ona interese Estadu. Sira tau sira-nia podér ne’e tuir fali ba sira-nia interese privadu”, tenik nia.

Nia dehan, tuir paradigma agora oinsá mak haree lideransa sira AMP laran, tanba ema intelektuál sira mós barak. Tanba ne’e, kandidatu sira husi AMP tenke rekoñese sira-nia aan katak, interese ne’e ba Estadu nia di'ak, ne’e duni tenke koopera malu hodi lori mudansa ba povu nia moris. 

Rate this item
(0 votes)

Independente Digital TV