Kinta, 16 Agostu 2018 | Login
PN PN

Seidauk Bele Hamosu V Lejizlatura Featured

DILI: Mandatu Deputadu VI lejizlatura tenke remata tinan lima, maibé tenke hapara hafoin Prezidente Repúblika deside hodi disolve.

Maski nune’e, tuir lei mandatu IV Lejizlatura tenke kompleta ninia mandatu to’o tinan ida. Signifika deputadu sira agora daudaun tama ne’e sei kontinua ho mandatu IV Lejizlatura.

Eis-Deputadu Manuel Tilman hateten, bazeia ba Konstituisaun RDTL artigu 99 aliña 5 haktuir, bainhira PN hetan ona disolusaun, Parlamentu Nasionál ne’ebé foin hili lejizlatura foun ho dada tan nia durasaun ba tempu ne’ebé kompleta tan períodu ida ne’ebé korrespondente ba sesaun lejizlativu ne'ebé hala’o to’o loron eleisaun.

Nia dehan, lejizlatura foun ne’e nia-mandatu tenke to’o tinan lima, regra mak kada lejizlatura ida iha sesaun lima, eleisaun antesipada liu ba ne’e akontese iha 12 Maiu 2018. Ne’e duni Deputadu IV lejizlatura tenke kompleta 12 Maiu 2019, nune’e V lejizlatura sei akontese 2019.

“Ita foin mak kompleta fulan ualu no sei falta fulan haat, nune’e kompleta sesaun primeira lejizlasaun tinan ida, depois maka kontinua fali V Lejizlatura,” dehan nia, iha nia-rezidénsia, Praia Kokeiros-Dili, horisehik.

Nune’e, ho desizaun ne’ebé polítiku na’in sira foti kontra ona Konstituisaun RDTL, desizaun sira ne’e la loos ona bainhira seidauk tinan lima mosu ona V Lejizlatura.

Alende ne’e, advogadu privadu ne’e mós hateten, tuir loloos laiha problema ho tomada pose ba V Lejizlatura, tanba diferensa loron, loloos ne’e termina iha 12 Maiu, karik iha difikuldade mak deputadu foun simu pose loron 13, semana oin.

Tanba ne’e, Manuel Tilman fó korajen ba Prezidente Parlamentu Nasionál tenke iha iha inisiativa hodi foti desizaun ne’ebé rigorozu ba tomada pose V Lejizlatura.

 

Read 789 times
Rate this item
(0 votes)