Domingu, 23 Setembru 2018 | Login
Komisáriu KAK, Adérito Tilman Komisáriu KAK, Adérito Tilman

Pozisaun Komisariu Mamuk, Funsionamentu KAK Kontinua La’o Normál Featured

DILI: Komisáriu Komisaun Anti Korrupsaun (KAK), Adérito Tilman, ninia mandatu remata ona iha fulan hirak liu ba no seidauk iha substituisaun. Maski nune’e, servisu investigasaun ba kazu korrupsaun kontinua la’o nafatin.

Diretór Jerál Prevensaun KAK, Rosário Salsinha Araújo hatete, atividade iha instituisaun KAK kontinua la’o hanesan baibain, maibé ba desizaun polítiku ne’ebé tutela ba komisáriu atu foti desizaun maka seidauk la’o.

“Servisu inspesaun, monitorizasaun, edukasaun sívika ba eskola sira no investigasaun ba kazu sira kontinua la’o normál”, dehan nia, iha Uma Fukun PN, horisehik.

Diretór ne’e hatete, maski atividade tékniku la’o normál hela maibé instituisaun boot hanesan ne’e presiza tebes superiór atu bele hala’o desizaun polítika.

Ba kazu korrupsaun ne’ebé oras ne’e daudaun KAK rasik investiga ona, nia labele pronunsia sai, tanba ne’e kompeténsia komisáriu nian atu ko'alia.

Read 261 times
Rate this item
(0 votes)