Sábadu, 23 Marsu 2019 | Login
Prezidente Parlamentu Nasionál, Arão Nóe de Jesus Prezidente Parlamentu Nasionál, Arão Nóe de Jesus

PN Dilema Hasoru Desizaun PR Lú Olo Featured

DILI: Parlamentu Nasionál dilema hodi hasoru desizaun polítika Prezidente Repúblika, Francisco Guterres ‘Lú Olo’ ne’ebé veta Lei Atividade Petrolíferu nian.

Diskusaun Orsamentu Jerál Estadu tinan fiskál 2019 nian lao ona iha dalan klaran. Ne’e duni, Parlamentu Nasionál hasoru ona dalan ‘kloot’.

Nune’e, Prezidente Parlamentu Nasionál, Arão Nóe de Jesus hateten, agora ida dalan rua ne’ebé Parlamentu Nasionál tenke hili. Ida konfirma votu haruka fila-fali Prezidente Repúblika atu promulga ka hasai fali osan tokon $350 husi OJE 2019 nian.

Nia hatutan, Parlamentu Nasionál sei nafatin apresiasaun durante loron 90 nia laran tuir konstituisaun haruka hodi haree kona-ba osan sosa asaun ConocoPhillips no Shell.

“Tau mós osan tokon $350 ba iha Orsamentu Jerál Estadu ba tinan 2019 ne’e kabe ba iha desizaun plenária Parlamentu Nasionál”, dehan nia, iha Uma Fukun PN, horisehik.

Arão hatutan, dalan uniku maka atu mantein kompromisu Estadu ne’ebé Xanana Gusmão asina ona, atu labele husik nia hanesan efeitu no garante ba kompañia no naran di’ak Estadu nian.

Tanba tuir akordu ne’ebé halo ona to’o fulan Marsu 2019 maka la selu asaun ne’e, Governu iha responsabilidade selu multa $583.000 kada fulan ka tinan ida tokon $7.  

Read 1581 times
Rate this item
(0 votes)