Sábadu, 16 Dezembru 2017 | Login
Logo PLP Logo PLP

PLP Husu Investiga Deklarasaun Somotxo Featured

DILI: Prezidente Bankada Partidu Libertasaun Populár (PLP), Fidélis Magalhães, husu ba Ministériu Públiku atu halo investigasaun hasoru Ministru Defeza no Seguransa, José Agostinho Sequeira ‘Somotxo’ tanba duun nia nu’udar espionajen Amérika nian iha Timor-Leste.

Vise-Prezidente PLP ne’e husu ba Governu atu halo lalais investigasaun no informa lalais ba Prokuradoria Jerál Repúblika hodi bele investiga loloos.

Husu mós ba Servisu Nasionál Intelijénsia (SNI) atu halo servisu didi'ak hodi kontra espionajen iha Timor-Leste.

Nune’e, Fidélis dehan deklarasaun Somotxo nian hamaten espíritu deputadu sira nian iha Uma Fukun Parlamentu Nasionál hodi defende interese povu nian.

“Komentáriu hirak ne’e sériu ho objetivu atu hamate deputadu sira nia korajen no vontade polítika atu defende interese-aas povu nian”, dehan Prezidente Bankada PLP, iha Hotel Timor, horisehik.

Nia konsidera deklarasaun ne’e sériu tebes. Tanba ne’e, hanesan deputadu jura kaer metin Konstituisaun RDTL atu defende de'it interese povu Timor nian no halo tuir de'it lei hirak ne'ebé vigór.

La’ós hanesan deklarasaun Ministru Somotxo nian katak halo servisu atu proteje interese Estadus Unidus Amérika nian.

Nu’udar Prezidente Komisaun B PN ne’ebé trata kona-ba seguransa no defeza, lamenta mós ho deklarasaun Ministru Somotxo nian relasiona ho seguransa iha rai laran nian. 

Read 239 times Last modified on Sexta, 01 Dezembru 2017 09:24
Rate this item
(0 votes)
  • MidAd1
  • Heineken Klaran
AdBottom1