PD Sei Hasa’e Saláriu F-FDTL No PNTL Featured

By Abril 17, 2018 2268
ASSANAMI kampanha iha Manufahi ASSANAMI kampanha iha Manufahi

DILI: Partidu Demoratiku kompromete kuandu hetan Vitoria iha eleisaun antesipada ida ne’e sei hasa’e salariu Falintil Forsa Defeza TimorLeste (F-FDTL) no Polisia Nasional Timor Leste (PNTL).

Prezidente Partidu Demokratiku Mariano Assanami Sabino hatete, atu hametin no profisionaliza instituisaun rua hanesan FFDTL no PNTL ne’e presiza kapasitasaun no hasa’e salariu.

“Ita presiza hasa’e salariu F-FDTL no PNTL nian atu nune’e sira bele hadia sira nia moris hodi hala’o sira nia servisu ho profisionál” dehan Assanami iha Kampu Ladi Suai, foin lalais.

Nia hatutan, ohin loron sasan iha merkadu folin sa’e makas, maibé salariu membru instituisaun rua nune’e nafatin defisil sira atu hala’o nia kn’aar ho diak.

Hakarak profesionaliza membru polisia no forsa defeza tenke hasa’e sira nia salariu, maibé kuandu sira nia salariu mak nune’e nafatin sira sei la konsentra ba servisu ne’ebé sira halo.

Polisia no militar hala’o kna’ar ne’ebé nakonu ho responsabilidade hodi asegura povu sira husi ameasa oin oin, maibé triste tebes sira nia moris nune’e nafatin.

Tanba ne’e, nia dehan, jerasaun foun ne’ebé hakarak hatutan obra funu nain sira nian iha responsabilidade moral atu rekoñese no dignifika imi nia dedikasaun hanesan servidor estadu nian iha area seguransa no defeza nian.

Partidu demokratiku hakarak hasa’e FFDTL no PNTL nia salariu, halo kazerna ne’ebé iha kualidade tanba ne’e husu ba instituisaun rua ne’e atu depozita nia konfiasa votus ba PD atu bele dezenvolve nasaun ne’e.

 

 

Rate this item
(0 votes)

Independente Digital TV