PD Prontu Ukun Ho Partidu Hotu Featured

By Jacinto Xavier Jullu 22, 2017 1158
ASSANAMI ASSANAMI

DILI: Presidente Partidu Demokratiku (PD), Mariano ASSANAMI Sabino prontu nakloke aan ba partidu FRETILIN, CNRT no PLP atu hamutuk hodi forma VII Governu hodi lori dezenvolvimentu ba povu no nasaun.

“Idiolojikamente partidu demokratiku funan husi FRETILIN no ami nia loialidade ukun iha tinan 10 nia laran ho maun Bo’ot Xanana so PD mak bele lori vizaun no misaun ukun maun bo’ot nian ba oin hodi halo ezekusaun planu estratejiku dezenvolvimentu nasional tanba ne’e ami prontu no nakloke aan atu ukun hamutuk ne’e laiha tawar-menawar ba partidu demokratiku,”dehan ASSNAMI iha sentru votasaun Bairo Pite hafoin tuir votasaun.

Nune’e mós hanesan ema jerasaun foun ne’ebé uluk luta hamutuk ho maun Bo’ot sira iha frente klandestina hanoin katak tempu to’o ona hanesan Maun bo’ot Xanana, Alkatiri, Lu-Olo, Lere no Taur merese atu tau sira iha fatin ne’ebé dignu atu ema hotu bele respeitu sira.  

PD hakarak forma governu inkluzaun bainhira manan iha eleisaun atu nune’e bele involve intelektual Timoroan hotu atu bele dezenvolve povu nia moris.

“Partidu Demokratiku nia hanoin no hakarak mak dezenvolvimentu ba povu tanba ukun ne’e povu nian kaer poder atu atu servi no prontu sai atan ba puvu”dehan ASSANAMI.

Eleisaun parlamentar iha tinan 2012, PD hetan kadeira walu (8) iha Parlamentu Nasionál no halo koaligasaun ho partido CNRT, Frente Mudansa hodi forma governu.

 

Rate this item
(0 votes)

Independente Digital TV