Partidu Sia Apoia AMP iha EA Featured

By INDEPENDENTE Fevereiru 01, 2018 4111
FDN FDN

DILI:Ppartidu sia (9) ne'ebé hamahan-aan iha Forum Demokrátiku Nasionál (FDN) deside fó apoiu ba bloku Aliansa Maioria Parlamentár (AMP) iha eleisaun antesipada (EA), tanba konsidera iha polítika.

Portavós FDN, Hermenegildo Kupa Lopes hatete, razaun forum apoiu AMP ba eleisaun antesipada tanba partidu tolu hanesan CNRT, PLP no KHUNTO iha prinsípiu hanesan ho FDN.

Razaun seluk ne’ebé aprezenta maka apoiu AMP tanba haree ba lider istóriku hanesan Xanana Gusmão no Taur Matan Ruak hakarak atu fó ultimu onra ba sira atu kaer governu hodi trasa programa ne'ebé hakerek ona iha planu estratéjiku dezenvolvimentu nasionál.

Iha fatin hanesan, delegasaun AMP ne'ebé prezensa husi konselleiru KHUNTO Jose Naimori hatete, hasoru malu ho FDN ne’e hanesan lasu amizade atu bele hametin unidade hodi apoiu ba AMP iha eleisaun.

Partidu sia ne'ebé hamutuk iha FDN sira iha inisiativa hakara fó apoiu ba Xanana Gusmão no Taur Matan Ruak atu lidera nasaun ne’e, tanba uluk sira hamutuk ho povu ida ne’e hodi luta ba libertasaun.

Rate this item
(1 Vote)

Independente Digital TV