Nia esplika, buat barak durante iha tempu kompañia hato’o ona ba povu. Ne’e duni, atu promesa sira ne’e labele lia-falsu, di'ak liu maka tenke halo juramentu iha foho Ramelau.
Nia dehan, ezijénsia husi KHUNTO tenke halo juramentu iha foho Ramelau, tanba luta ne’e la’ós ba kadeira no kaan-teen podér, ikus mai bosok povu.
“Sé partidu CNRT ho PLP hataan ba ida ne’e ha’u tenke lori ema sira hamutuk ho partidu KHUNTO nia ema halo juramentu iha Ramelau,” dehan Naimori, iha ninia rezidénsia, Surik Mas, Dili, horisehik.
Tuir nia, prinsípiu KHUNTO hakarak kria estabilidade no pás. Ne’e duni povu ho partidu hotu iha Timor-Leste tenke koopera malu hodi lori nasaun ne’e ba oin.
