Komunidade Suku Villa-Verde, Francisco da Costa Ximenes konsidera, kazu Emilia Pires hatudu katak ukun-nain sira subar malu.

“Grupu balun mai na’ok de’it, grupu balun serbisu mak hetan osan, ita-boot hanesan Prezidente Republika tenke identifika ema sira ne’ebé na’ok, agora imi duni fali ba Portugal,” dehan Francisco liu husi dialogu ho Prezidente Repúblika Taur Matan Ruak iha Vila-verde, Segunda (30/01).

Hatan ba kestaun ne’e, PR Taur husu ba komnunidade sira atu hein de’it tanba kazu ne’e sei prosesu iha Tribunal.

“Kazu Emilia Pires nian iha ona tribunal, ita hein de’it, ne’ebé nia hanesan Timor-oan espera fila mai Timor bele koopera ho justisa,” dehan PR Taur.